Shillong, Kyllalyngkot 17: Ki pulit jong ka East Jiantia Hills District kila ioh ban kurup ia ki tiar pynbthei ia kaba la tip kum ki “Improvised Explosive Device” na phyllaw jong ka M/s Meghalaya Coke kaba don ha Bther.
Na ka liang jong ki pulit kila ong ba ia kine ki jingpynbethei la antad ba la don ba leit ban buh ka ka miet 15 bad 16 tarik mynta u bnai. La ong ba u nongap kane ka jaka u la iohi ba ki don ki wire ha ka step jong ka 16 tarik bad mar mar u la pyntip sha ki pulit.
Mar ia ioh ia kane ka jingtip na ka liang jong ki pulit kiba don ha Umpleng AD Camp kila leit sha katei ka jaka bad la rah lang ruh ia ki kynhun pulit ba dei peit kyrpang ha kaba ia dei bad ki bom.Na ka liang jong ki pulit kila ong ha ka jingtohkit la shem ba ia kine tiar pynbthei la juh pyndon kam ha kaba siat ha ki par mawshun. Na ka liang jong ki pulit kila shim ia kine ki tiar sait baroh bad mynta kin phah sha Forensic Science Laboratory.
Haba ia dei bad kane kala don ka jingujor hapoh iing bishar jong ka High Court jong ka jylla Meghalaya da u bah Dame Wanhi Rymbai bad kiwei pyrshah ia ka jingtei ia kane ka jaka thang dewiong. Na ka liang jong ki pulit ki suba ba ka dei ka kam ia shrud.
