New Delhi, Jylliew 09: Ka Directorate jong ka Revenue Intelligence (DRI) ha ka jingkhynra ia ki kam khaii dork ha ka jylla Manipur kaba la tip kum ka “Operation White Veil” ban ia khun pyrshah ia ki kam khaii drok ha kane ka thain shatei lam mihngi ka Ri India kala pynlong ia ka jingkhynra ha Churachandpur District jong ka jylla Manipur.
Kane ka jingkhynra ka long lai sngi lynter katta naduh ka 5 haduh 7 tarik mynta u bnai jylliew 2025, ia kane ka jingkhynra la leh lang da ka ophis jong ka Directorate of Revenue Intelligence (DRI), ki Customs, 37 Bn Assam Rifles bad ki pulit ka jylla Manipur.
Ha kane ka jingkhynra la ioh ban kurup haduh 7,755.75 grams u drok heroin bala shong dor haduh T.54.29 klur bad 6,736 grams u opium ba shongdor T. 87.57 lakhha ki iew jong ka pyrthei bad ha kane ka jingkynra la ioh ruh ka pisa ban kurup kaba la kot sha T.35.63 lakh tyngka.
La ioh ruh ban kurup ar tylli ki phone Baofeng Walkie-Talkies, kawei ka Maruti Eeco Van la ioh ban kurup bad la kem san ngut ki briew bad la pynngat ia ki ha ka kyndon don ain Narcotic Drugs and Psychotropic Substances Act, 1985.
Ka jingkhynra kala sdang ha ka 5/6/2025 hynrei dei ha ka 6/6/2025 la ioh ban bat ar tylli ki kali Maruti Eeco Van na ka shnong Behiang kaba ia khap bad ka Ri Myanmar la ioh ban bat ia kitei ki kali ha dien ka jigniabeh la lap ha iing jong u Thadou Veng ha Singngat Sub-Division.
Haba poi ha kane ka iing haba la talasi ia kane iing baroh kawei la lap 219 tylli ki synduk sabon ba la thep ia u drok Heroin bad 18 tylli ki tundong tin kiba la thep Opium bad la ioh ban kurup ar tylli ki Baofeng Walkie-Talkies bad ka pisa T. 7,58,050. Ha kane la ioh bankemu wei ar ngut kila lait phet bad ia ki la ioh ban kem ha khyrdop ha Bualkot.
Ha ka jingkhynra ia ka iing jong ki ar ngut kiba la ioh kem na Behiang la ioh ban kurup ia ki synduk tin kiba la thep Opium bad ka pisa kaba la kot sha ka T. 28,05,000/- Lak tyngka, na kane ka jingioh kem la ioh jingtip shuh bad la ioh ban bat ha shnong Zoukhonuam ha jan BP 46 haka 7/6/2025 bad la ioh ban kurup haduh 440 tylli ki synduk sabon bala thep drok Heroin.
Ha ka jingtohkit kiba la shah kem kila phla ba ia u drok la wanrah sha Manipur na ka ri Myanmar sha Churachandpur District, ka jingioh lat ka long ba ki khappud ha pdeng ka jylla Manipur bad Myanmar ki long laitlan,ia kiba la shah kem la pynngat ka kyndon ain NDPS Act bad ka sep phatok shiphew snem.
