Kurup ki BSF 97 tylli ki masi na jingkieng Sonapur EJH District ba thmu phah sha Bangladesh

Shillong, Nailur 18: Mynta ka sngi ki shipai BSF kiba don ha jingkieng Sonapur ha East Jaintia Hills District kila ioh ban kurup haduh 97 tylli ki masi na ki lai tylli ki trok kiba mut phah sha Bangladesh.

Ha kane ka jingioh kurup ia kine ki masi ki BSF kila ioh run ban kem ia ki ar ngut ki nong India bad na ka jingkhein la shem ba kine ki 97 tylli ki masi ki la kot sha ka T.55 lak tyngka.

Na ka liang jong ki BSF kila shem ba kane ka jingiakhaii tuh ia ki masi na India sha Bangladesh kala dang jur bad ki BSF ruh kila dang pynkhlain ia ki jingpahara ha khappud ban khanglad ia kane ka jingiakhaii tuh kam dei tang ia ki mar ki matta hynrei wat ka pisa thok ruh kum juh.

Na ka liang jong ki BSF ki pynpaw ba ka jylla Meghalaya bad ka Bangladesh ka ia khappud u pud u sam haduh 444 km bad ha pdeng jong kane ki don shibun ki jingeh namar ki don bun tylli ki kwah bad ki khlaw bad ka rait karam hynrei na ka liang jong ki BSF kila trei shitom ban khanglat ia ki kam khaii tuh ha khappud.

Na ka liang jong ki BSF kila dang pynkhlain shuh shuh ia ka jingpahara ban khanglad ia ka jingwan rungtuh ki briew na Bangladesh sha India khamtam hapoh ka jylla Meghalaya bad kane ka jingpyrkhing ka long ban wanrah ia ka shong suk shongsain ha khappud la ong u DIG ki BSF u U. K. Nayal jong ka Meghalaya Frontier.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet