Shillong, Risaw 04: Mynta ka sngi dang step phyrngap ki shipai BSF kila ioh ban kurup ia ki 16 tylli ki Muid na ki lai tylli ki trok kiba mut ban pynrung beain ia ki na Meghalaya sha Bangladesh ha East Khasi Hills District.
Ban ia khun pyrshah ia kine ki kam khaii beain sha Bangladesh ki shipai BSF kila buh ia ki shipai ban iaid ha ki jaka jaka ba juh don ka jingiakhaii beain ban rung sha Bangladesh ha ki bynta jong ka East Khasi Hills bad jong ka West Jaintia Hills ha Meghalaya.
Ki shipai BSF kida aiti met bad mynsiem ban ai ka jingpahara ha khappud da kaba bud ryntih ia baroh ki kyndon ain bad ka jingkhaii ia ki Muid bad ki Masi kala hiar naduh ba ki pyndon kam ia ki jaka ap ktem ha ki dong ki dong ba kongsan.
Ki BSF kila lah ban teh lama ia ki khaii beain bad ia ki jingdih pynbuaid ha ki jaka khappud, hynrei kila don na ki nongkhaii beain kiba la pyndon kam ia ki shnong ban kren pyrshah ia ki shipai BSF khnang ba kin ioh ban iai bteng ia ki kam khaii beain sha Bangladesh.
