Shillong, Kyllalyngkot 07: Ki shipai BSF ha ka sngi thohdieng jan miet katba ki dang ap pahara ha shnong Jamador ha South West Khasi Hills District kila ioh ban bat ia ki song bala song bha katba dang pynki na wah ban poi sha Bangladesh.
Haba ki BSF jong ka Kakergora jong ka 193 battalion kila bat bad rah ia ki sharud wah bad haba la plie ia ki song la lap ba dei da ki shniuh briew kiba la wan rah na Shillong, u sniuh bala iohb an kurup la kot 300 kilo bad ka dur jong u kala kot sha ka T.30 lak tyngka.
Ki shipai BSF kila aiti ia kine ki shniuh bala ioh kem sha ki Custom kiba don ha Balat kiba dei ha East Khasi Hills District, ki BSF kila shem ba ka Ri Bangladesh kala dei ka jaka ban ia khaii ia ki sniuh briew ban phah sha China bad Taiwan.
Ia kane ka kam khaii ha ki snem kiba la dep la pyndon kam ia ka ri Myanmar ban phah ia ki sniuh briew sha kitei ki ri ia u sniuh la phah sha kitei ki ri ban shna Wigs bad ia kine ki Wigs ka don ka jingdawa kaba jur bha ha ki iew jong ka pyrthei.
Ha u snem bala dep ki shipai BSF kila ioh ban kurup 225 kilo u sniuh briew na khappud Meghalaya bad Bangladesh katba dang thmu ban phah sha Bangladesh. Ki BSF ki long kiba peitngor ban nym shah ia ki kam khaii beain ha khappud.
