Shillong, Naitung 11: Ka jinglehniam Behdeinkhlam kaba la juh pynlong shisien shisnem da ka Elaka Jowai kiba dang bat ia ka Niamtre ban ainguh ia u nongbuh nongthaw ha dien ba la dep ban thung ban tep bad ban duwai phirat ban bha ka rep ka riang,ban ioh ka koit ka khiah ba un da na ka sniew ka smeh.
Mynta u snem la pynlong ia ka jinglehniam Behdeinkhlam hapdeng ka jingbud ryntih ia ki kyndon bala buh da ka sorkar ha kane ka jinglehniam kaba mynta u snem ha kaba leit ban pyngam ia u khnong bad ia ki Rot ha Aitnar ha Jowai.
Kane ka jingleh naim ka neh bun bun sngi ban pyndep ia ki jinglehniam hala ki iing ki iing ki kur ki kur bad shuwa ba kan don kane ka jingnoh ia u khnong bad ki Rot la don ka jinglehniam kaba lai sngi lynter bad ha dien kata la pynkut ia kane ka Behdeinkhlam da ka pyngam ia u khnong bad bret ia ki Rot.
Ki samla kynthei bad shynrang haka por ba rah ia u Khnong ha ryngkat ki Rots ki ia shad ia kmen bad ha por ba pynngam ha Eitnar kiba ban pynngam dei tang ki samla shynrang bad ia ki Rot ha dien bala dep ban pynshat la noh ia ki ha syndah ka Eitnar, ia ka niam ka rukom la pyndep da ki riew rangbah ka Niamtre.
