Kut ka jingpyndonburom bashitaiew iaka Sngi iap ba 150 u Kiang Nangbah

Jowai, Kyllalyngkot 02:Ka Seiñ Raij Jwai haka jingialam jong u president jong ka Seng u ma O.R. Challam kala pynlong iaka jingrakhe iaka jingndap 150 snem ka jingkhlad u Khla-ka wait ka Ri Jaintia u Kiang Nangbah mynta ka sngi ka 30 tarik u December. Haka jingrakhe kaba la pynlong haka madan Myngkoi Pyrdi la ioh iaka jingkren pdiang na u President jong ka seng uba la pdiang sngewbha ia ki nongwan baroh khamtam ia u P.S. Dkhar Deputy Commissioner ka West Jaintia Hills Distrik. Hashwa ban sdang iaka jingpyndoburom la pyndep iaka niam ka suit ka shor haka jaka leh niam khatduh ia kaba sah u Kiang Nangbah 150 snem mynshuwa halor u lum Moolikso. Ia kane ka niam ka rukom ka duwai ka phirat la pyndep da u Daloi ka elaka Jwai u waheh K.C. Rymbai. Nalor ki nongkren kiba kynthup ia u waheh O.H. Toi Secretary ka Seiñ Raij Jowai, u Dr. B.S.Challam, u Rev. H.H.Mohrmen bad u ma Wyraiki Kharbuki, la ioh ruh iaki jingrwai ieid ri na ki samla ka shnong Dulong bad ka short play shaphang u Kiang Nangbah naka ka Shnong Loompyrdi Yongpiah.

Ka jingpyndoburom ka long kaba phuh ka phieng haka jingiadon ryngkat jong u ma Barnabas Nangbah uba long u ksiew kur u Kiang Nangbah. Baroh ki nongkren ki iaroh ki pyrto iaka jingshlur bad ka jingaitilut bad lenlade jong u Kiang Nangbah, la khot lang ia kiba iadonlang baroh ban bud nuksa iaka jingim kaba babha ka jingim badonburom jong u Kiang Nangbah.

U waheh O.R.Challam haka jingaikhublei ia u D.C uba la mih pli ia u bah Paul Lyngdoh uba la kular ban wan long kongsan haka jingialang bad pynpep pat hakajuh hi ka step kumba shikynta shuwa ban sdang ka jingpyndonburom, ula pynpaw iaka jingsngewsih iakane ka jingbymniewkor bad ka jingleh bymsuidniew jong une u samla ieid ri kat ia kane ka sngi kaba khraw. U ma Challam ula ong ba kane ka jingleh jong u bah Paul kala pynsngewsih shikatdei eh ia ki paidbah ka Jaintia.

Ha ki sngi kiba la lah ka Seiñ Raij ha ryngkat ka jingiatreilang jong ka Art and Culture Society jong ka West Jaintia Hills Distrik kila pynlong ia kiba bun ki prokram ban pyndonburom iaka sngi iap ba 150 u Kiang Nangbah. Kine ki prokram ki kynthup iaka jingpynkhie im biang ki jingialehkai tynrai kiba u Kiang Nangbah u ju sngewtynnad mynba u dang khynnah kaba khynthup iaka dad moo ñiaw, ka iahai, ka rah mookhrah, ka iatan tylle, ka jingiasiat khnam bad kiwei kiwei. Kum ka jingpyndoburom iakane ka sngi kaba khraw ka Seiñ kala pynlong ruh iaki jingiakop, thoh esse, ka jingiakop draw bad kiwei kiwei pat.

Kaba kongsan ka dei bah aka 29 tarik jong une u bnai ka Seiñ Riaj ryngkat bad ka jingiatreilang bad ka ophis u DC la lah ban pynlong iaka National Seminar halor ka phang “Resistance Movement  Against the British Raij with Special reference to u Kiang Nangbah.” Hakane ka seminar ia kaba la plie da u D.C. ka West Jaintia Hills u P.S. Dkhar la ioh iaka jingkren na kiba bun ki riewstad ki kynrem ki lyndan kiba napoh ka jylla bad kumjuh ruh kiba nabar ka jylla. Ki nongai jingkren ki kynthup ia u Dr. P.A. Bhatt, Professor University of Karnataka, Dr. Rehman naka NEHU, u Dr. S.N.Lamare na NEHU, u ma R.Lamarr na Kiang Nangbah Govt College, u Dr. E.R.Tongper na NEHU, Dr. A. Lyngdoh na Kiang Nangbah Govt College, bad ka kong W. Sumer naka Women’s Wing ka Sein Raij Jowai.(SP News)

 

What Next?

Related Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet