Shillong, Risaw 15: Ka jinglehniam Puja kaba lai sngi lynter kiba bud ia ka jingngeit Hindu kala kut mynta ka sngi da kaba noh ia ki durmot mynta ka sngi ha Wah Umkhrah ha kane ka nongbah Shillong bad ha kiwei ki District jong ka jylla kila don ia ki jaka ba la buh kyrpang ban noh ia ki dur mot.
Ha kine ki ar sngi la ioh ba baroh ki jaka lehniam kila ialeh katba lah ban bud ia ki kyndon kiba la buh da ka tnad ka koit ka khiah jong ka sorkar jylla, ha ki ar sngi la iohi ba ki riew ngeit Hindu kila ia leit ban jngoh ia ki pandal na kawei ka jaka sha kawei pat ban peit.
Ha kane ka sngi pynkut ia ka jinglehniam da kaba noh blei ha ki jaka kiba la buh da ka sorkar bad ka jingleh niah baroh kala iaid beit iaid ryntih ha kane ka nongbah Shillong bad ha ka jylla hi baroh kawei, ha kaba wat ha ka jinghap jong u slap kila pyndep ia ka jingleh niam da ka jingsuk jingkmen.
Ha kane ka nongbah Shillong na ka liang jong ki bor jong ka District Administration kila peitngor ban peit ba ka jingleh niam kan long kaba iaid beit bad ban peit ba baroh ki jaka mane blei kin bud ryntih ia ki kyndon ban iada na kane ka jingpang COVID-19.
