New Delhi, Naiwieng 29: Baroh ki kam kiba sngewtynnad ki hap poi sha kaba kut, bad ka IFFI 2024 ruh ka la kut ha ryngkat ka jingrakhe ia ka kam shna phlim bad ka jingkular ba ka don ka lawei na ka bynta ki nongshna phlim.
Kum ka dak jong ka jingkut na ka bynta ka jingsdang kaba thymmai, ka bynta kaba 55 jong ka International Film Festival of India (IFFI) ka la kut mynta ka sngi lyngba ka prokram kaba iphuhiphieng, kaba rakhe ia ka kam shna phlim bad ka kam iathuhkhana ha ka Dr.Shyama Prasad Mukherjee Indoor Stadium ha Goa.
Kane ka prokram ka la iahap bha kum ka jingpynkut ia ki khyndai sngi ka jingrakhe ia ka kam shna phlim jong ka India bad kiwei kiwei ki ri, kaba wanrah lang ia ki nongshna phlim, ki barikor, bad ki briew kiba sngewtynnad ban peit ia ki phlim ha ka jingiaryntih jong ka jingkynthup ia ka jingiathuhkhana lyngba ki phlim.
Na ki bynta ka red carpet sha ki jingak kiba itynnad bad ka jingtbit ha ka kam iathuhkhana, ka prokram pynkut ka dei kaba la bun ki riewpawkhmat kiba la wan iashim bynta ban ai jingithuh ia ki kam kiba itynnad tam ha ka jingshna phlim bad ruh ki barikor bapher bapher.
Kane ka prokram ka la bun ki bynta ki ban sah ha ka jingkynmaw jong ki briew kiba ieidia ka kam shna phlim.Kane ka prokram ka la kut lyngba ka phlimpynkut, “Dry Season” – ba la direct da u director Czech, u BohdanSláma, kaba dei ka phlim shaphang ka jinglong briew, ka jingiaineh bad ki jingiadei.
Ka bynta kaba baroh ki la ap ka dei ka jingai ia ki khusnam kum ka jingithuh ia ka jingtbit ha ka kam iathuhkhana.
Jop ka phlimna Lithuania, ‘Toxic’ ia ka khusnam Golden Peacock kum ka phlim kaba itynnad duh, Ka phlim Toxic ka la jop ia ka khusnam Golden Peacock Award kum ka phlim feature kaba itynnad tam mynta u snem. U PramodSawant, Myntri Rangbah ka Goa bad u AshutoshGowariker, Jury Chairperson jong ka International Competition ki la ai ia kane ka khusnam.
Kane ka phlim feature kaba nyngkong jong u nongshna phlimna Lithuania, u SaulėBliuvaitė ka dei shaphang ka jingkyllarangbah bad ka jinglong paralok. Ka kynhun nongbishar ka la iarohia kane ka phlim kaba peit ia ka jingkylla Rangbah bad ki jingshisha kiba iadei bad ka jingheh jingsan ha ka imlang sahlang kaba shem jingeh ha ka ioh ka kot.
Jop u Bogdan Muresanu ia ka khusnam Silver Peacock kum u Director ba tbit tam, Kum ka jingithuh ia ka jingtbit ban direct, la ai ka khusnam Silver Peacock for Best Director ia u nongthoh bad director na Romania, BogdanMuresanu na ka bynta ka phlim, ‘The New Year That Never Came.’
Jop u Clément Faveau ia ka khusnam Silver Peacock Award for Best Actor (Shynrang) U aktor Clément Faveau u la jop ia ka khusnam Silver Peacock for Best Actor (Shynrang) na ka bynta ka jingak jong u ha ka phlim na France ka Holy Cow, kaba pyni ia ki jingsngew jong u briew katba u iaidlynba ka lynti na ka jing luilui sha ka jinglong rangbah.
Ka kynhun nongbishar ka la iaroh ruh ia u aktor Adam Bessa na ka bynta ka jingak jong u kum u Bilal, ha ka phlim Tunisia ka Who Do I Belong To; la iaroh ia une u actor namar ka jingtbit jong u haba u la ak ha kane ka phlim.
Jop lang ki aktorVestaMatulytė bad IevaRupeikaitė ia ka khusnam Silver Peacock for Best Actor (Kynthei) Kum ka jingithuh ia ka jingtbit jong ki ha ka jingakphlim ba nyngkong, la ai ia kakhusnam Silver Peacock for Best Actor (Kynthei) ia ki aktorVestaMatulytė bad IevaRupeikaitė na ka bynta ka phlim‘Toxic.’
Ai ka khusnam Special Jury Award ia ka Louise Courvoisier, Kum ka jingithuh ia ka jingtbit ha ka jingshna phlim, la ai ka khusnam Special Jury Award ia ka nongshna phlim na France, Louise Courvoisier na ka bynta ka phlim ‘Holy Cow.’
Ka phlim Familiar Touch da ka Sarah Friedland ka la ioh ia ka khusnam Best Debut Feature Film of a Director, Ka khusnam Best Debut Feature Film of a Director ka dei kaba la jop da ka phlim Familiar Touch ba la pynmih da ka Director na America Sarah Friedland.
Jop u Director NavjyotBandiwadekar (na ka bynta ka phlim Marathi ‘GharatGanpati’) ia ka khusnam Best Debut Director of Indian Feature Film , Ka khusnam ba thymmai ka Best Debut Director of Indian Feature Film ka dei kaba la ai ia u Navjyot Bandiwadekar, u Director jong ka phlim Marathi GharatGanpati, kaba long ka dak jong ka jingkut jingmut ka IFFI ban kyrshan ia ki nongshna phlim ba thymmai na India.
Ha ka jingjied ia kane ka phlimnapdeng san tylli ki phlim ba iakhun ban ioh ia kane ka khusnam, ka kynhun nongbishar kaba la khlieh da u director Santhosh Sivan, ka la mynjur lang ba kane ka dei ka phlim kaba la shna ha ka rukom kaba itynnad bha.
Ka ‘Crossing’ da u Levan Akin ka jop ia ka khusnam ICFT-UNESCO Gandhi Medal, Ka khusnam ICFT-UNESCO Gandhi Medal, kaba rakhe ia ki phlim kiba kyntiew ia ka shongsukshongsain, ka jingiaishah ia kiwei bad ka jingiakren ka dei kaba la ai ia ka phlim Crossing da u Levan Akin.
“Ka phlim kaba itynnad bha shaphang ka jingieid bad ka jingsngewthuh,” la ong ka kynhun nongbishar shaphang kane ka phlim. Ai ka khusnam Satyajit Ray Lifetime Achievement Award ia u nongshna phlim na Australia Phillip Noyce
Kawei na ki bynta ba kongsan jong kane ka prokram ka dei ka jingai ia ka khusnam Satyajit Ray Lifetime Achievement Award na ka bynta ka jingtbit ha ka kam shna phlim ia u nongshna phlim na Australia Phillip Noyce, kum ka jingithuh ia ka jingnoh synniang jong u ha ka kam shna phlim.
Haba u la pdiang ia kane ka khusnam, une u nongshna phlim u la ong, “Ym don eiei kum ki nongpeitphlim na India kiba peit phlim da ka jingpynleit jingmut kum ba iohi ha India bad ngakmen ban sakhi ia kane haba nga la wan sha India. Ka la long kumba leit peit phlim ha ka sien kaba nyngong bad kiwei kiwei ki briew.”
Ha kaba iadei bad ka jingkhraw jong u Ray, u la ong, “Ia ngi, u Satyajit Ray u dei uba ai mynsiem, bad nga la ioh mynsiem bha ia ka jingrit ki phlim jong u hynrei ka jingheh ka mynsiem kaba iohi ha ki phlim jong u. Ia u Satyajit Ray ki phlim bad ka lawei jong ka kam shna phlim ka pyni ba ki phlim ki lah ban long kiba rithynrei ka khubor ka long kaba heh bha.”
Ai ka khusnam Best Web Series (OTT) Award ia ka ‘Lampan’ (Sony Liv) Kum ka jingithuh ia ka jingkylla ha ka kam iathuhkhana, la ai ka khusnam Best Web Series (OTT) Award ia ka ‘Lampan,’ kaba rakhe ia ka jingsaindur ha ki kam digital. Ka ‘Lampan’ ka dei kaba la direct da u NipunDharmadhikari.
Jop u Vikrant Massey ia ka khusnam Indian Film Personality of the Year Award, U Myntri Rangbah ka Goa PramodSawant, bad u Secretary, ka tnad Information & Broadcasting Sanjay Jaju ki la ai ia ka khusnam Indian Film Personality of the Year ia u aktor Vikrant Massey.
Haba u la pdiang ia kane ka khusnam, u Vikrant Massey u la ong, “Kane ka dei ka por kaba kyrpang bha ia nga; ngamjumutdur ba ngan ioh ia kane ka khusnam. Ka jingim kan don ki bynta bapher bapherhynrei ngi dei ban long kiba khreh ban sdang biang kumba u briew ba nga la ak ha ka phlim 12th Fail”
“Nga dei u nongiathuhkhana, ngajied ia ki khana khnang ban long ka sur jong ki paidbah. U Massey u la ong, “Long traiialade, long trai ia ki khana jong phi, long trai ia ka nongrim jong phi. Ka kam shna phlim jong ka India ka dei kawei na ki kam ba sngewtynnad tam ban don bynta.”
Ka Jingpynkupburom ba kyrpang, U director na India Ramesh Sippy bad aktor Jaya Prada ki dei kiba la shah pynkupburom kyrpang na ka bynta ka jingnoh synniang jong ki ia ka kam shna phlim ha India. U Myntri Rangbah ka Goa, PramodSawant, bad u Secretary, ka tnad Information & Broadcasting, Sanjay Jaju ki la pynkupburom ia ki ha kane ka prokram.
La ai jingsngewnguh ruh ia ki nongiatreilang ha ka IFFI ha kaba iadei bad ki kam teknikal na ka bynta ka kam jong ki ban pynlong ia kane ka prokram kaba jop. Ki kynrem ki lyndan ba kynthup ka Delilah Lobo, Vice Chairman jong ka ESG, Dr. V. Candavelou, Chief Secretary ka Goa ki la pynkupburom ia ki nongmihkhmat na Qube Cinema, BARCO, Pulse Electronics, bad SMPTE na ka bynta ki jingnoh synniang jong ki.
Ha ka jingiaroh ia ki sienjam jong ka tnad Information & Broadcasting bad ka NFDC, u Myntri Rangbah ka Goa PramodSawant u la ong, “Kane ka IFFI ka long kaba kyrpang namar ki sienjam ba thymmai kum ka Film Bazaar kiba la wanrah ha ka rukom kaba phylla ha kaba baroh ki ioh jingmyntoi na kane ka Film bazaar. Ha kane ka bynta ngi la pyni ia ki phlim ha kylleng ka Goa ia ki briew ibaitynnad ia ki phlim bad ngi la pyni haduh 195 tylli ki phlim mynta u snem.”
U Myntri Rangbah u la ong ruh ba mynta u snem la pyniasoh lang ia ka deiriti jong ka Goa bad ka IFFI bad ka IFFI parade ka la ioh jingiaroh bha na ki delegate bad ki nongiashim bynta na kylleng ka pyrthei.”
Mynta ki nongjngohkai ki buh jingmut ban iashim bynta ha ka IFFI ha Goa kaba la pyni ia ka kam jngohkai jong ka Goa sha baroh kawei ka pyrthei. Ka IFFI ka la pyni ia ka Goa sha baroh kawei ka pyrthei; ki nongshna phlim ki la sdang ban wan sha Goa ban ring ia ki phlimhadien ba ki la iashim bynta ha ka IFFI bad nga khot sngewbha ia ki nongshna phlim na kiwei kiwei ki ri ba kin wan ring phlim ha Goa bad ngakular ba ngin pynbiang ka single window clearance ban ring phlim ha Goa ia baroh ki nongshna phlim.
U Secretary, ka tnad Information & Broadcasting, Sanjay Jaju u la ong, “Kawei ka kyntien kaba iahap bha bad ka IFFI mynta u snem ka dei ka jingiar, kumba ngim pat juiohimynshuwa. Kane ka dei namar u Myntri Rangbah Duh jong ngi u kren beit shaphang ki nongsaindur ba dang samla bad ka India, kiba dei ki nongrah ia ki prokram.
Ngi aiti ka IFFI mynta u snem ia baroh ki nongsaindur ba dang samla, ki briew ba don sap ha ka Creative Minds of Tomorrow bad ki nongiathuhkhana na kylleng ka ri. Ka IFFI mynta u snem ka dei kaba itynnadbha. Nga ai jingsngewnguhia ki briew jong ka Goa bad ka ri, baroh ki barikor kiba la pynurlong ia kane.”
Ha kaba iadei bad ki bynta bapher bapher jong kane ka tamasa, khamtam ka jingrakhe ia ka jingdap shi spah snem jong ki riewkhraw ha ka kam shna phlim jong ka India bad ka Film Bazaar, u Jaju u la ong, “Kane ka ju long ka tamasa jong kito kiba don bynta ha kane ka kam bad lyngba u ShekharKapur kum u Festival Director jong ka bynta kaba 55 jong ka IFFI, ka la long shisha ka jingrakhe da kito kiba don bynta ha kane ka kam.”
Ka Film Bazaar ka dei kaba heh tam ha ka pyrthei mynta u snem ha kaba iadei bad ka lad ban die bad thied ia ki phlim bad nga sngew ba ka lawei ka don hangne mynta bad nga ai jingsngewnguh ia ki briew kiba wan na kylleng ka pyrthei ban pynurlong ia kane,” la ong u Jaju.
U Secretary u la ong ba ka Goa ka dei ka nongbah jong ka kam pynbyrnia ha ka ri bad u la ai jingsngewnguh ia ka Sorkar Goa na ka bynta ka jingkyrshan bad ka jingiatreilang.
Ha ka jingai jingkren, u Festival Director, ShekharKapur, u la ong ba u dap da ka jinghun bad ka jingkmen: “ngi la wanrah ia ka jingrakhe ia ka kam shna phlim kaba biang tam ha ka pyrthei. Ki sienjam kum ka Film Bazaar, kiMasterclass bad kiwei kiwei ki la pynjop ia kane ka tamasa.” U la ainguh ruh ia ki briew jong ka Goa kiba la iashim bynta ha kane ka tamasa.
Ha kaba iadei bad ka bor jong ki phlim, u AshutoshGowarikar, Jury Chairperson jong ki jingiakhuh hapdeng ki phlim na ki ri bapher bapher u la ong, “Baroh ki phlim kiba la shah jied ban iakhun ki dei kiba itynnad.
Ka phlim kaba itynnad kam dei kaba shuiathuhia ka khana, ka wanrah ruh ia ka jingkylla. Ia baroh ki nongshna phlim ba dang samla, ngakitbokkitrwiang ba ka sap jong phi kan paw sha kylleng ka pyrthei.”
Ha kaba iadei bad ka jingshem jong u ha ka bynta kaba 55 jong ka IFFI, u Gowarikar u la ong, “ka sur jong ki phlim ka la ktah ia baroh ki dkhot nongbishar. Baroh 15 tylli ki phlim ki dei kiba itynnad bad ki pyni ia ka jingtrei shitom ha kane ka kam.”
Ka prokram ba la pyniaid da u Samir Kochhar, ka la sakhiia ka jingiashim bynta da ki riew pawkhmat ha ka kam shna phlim, ki ophisar Sorkar bad ki nongshah khot sngewbha na kiwei kiwei ki ri. Ka la don ruh ka jingrwai ia ka National Anthem.
Ka la don ka jingpyniia ki bynta ba kongsan jong kane ka tamasa kaba pyni ia ka jingiar ka kam saindur bad ka deiriti kaba la iohi ha kane ka IFFI mynta u snem. Ki la don ruh ki prokram na u Mame Khan, ka Nikhita Gandhi, bad Digvijay Singh Pariyar bad ki surjingrwai na u Amaal Malik.
Ka prokram ka la kut lyngba ka prokram da ka aktres bad nongshadShriya Saran, kaba tip kum ka “Rhythms of India” kaba pyni ia ka jingiar ki kam tynrai jong ka India.
Katba ka bynta kaba 55 jong ka IFFI ka la kut, ka la phaikhmat sha ki 55 snem ki jingjop ha ka kam shna phlim, ki jingiakren ba don jingmut bad ka jingiasamia ka deiriti. Ka IFFI mynta u snem ka la rakhe ia ka kam shna phlim bad ka la ban jur halor ka bor jong ki phlim ban ai mynsiem, pyniasoh bad pynkylla ia ki jingim
.
