Kwah ka NECTER ban wanrah jingkylla ha Meghalaya lyngba ka saian bad Teknoloji

Shillong, Iaiong 10: Ka CSIR-CMERI ka la pyni ia ki teknoloji jong ka ha ka ‘Conclave bad Techno-Fair on Transforming Meghalaya State Through Science and Technology Interventions’ kaba la pynlong da ka North East Centre for Technology Application and Reach (NECTAR), kaba long ka kynhun DST, jong ka Sorkar India.

Ia kane ka prokram la pynlong ha State Convention Centre, Shillong, Meghalaya naduh ka 9 haduh ka 10 tarik u Iaiong, 2021. Ki teknoloji ba la pyni da ka CSIR-CMERI ha kane ka prokram ki kynthup ki teknoloji ban pynkhreh ia u sying bad u shynrai, ka rukom pynkhuid jaboh jabain, ki tiar bad ki kam ba iadei bad ki solar, ki rukom pynkhuid ia ka um (Arsenic-Iron-Fluoride), ki rukom pynkhuid ia ki jaboh, ki kor pynmih bording bad kiwei kiwei.

U M.S. Rao, IAS, Chief Secretary ka Meghalaya, u la leit jngoh ia kane ka jingpyni teknoloji jong ka CSIR-CMERI bad u la twad jingmut bha halor kine ki teknoloji ka CSIR-CMERI khamtam ki lad pynkhreh ia u sying bad u shynrai, ki lad pynmih bording solar bad ka rukom pynkhuid ia ki jaboh da ki bor municipal.

U Rao u la ong ba ka don ka lad ban pyndonkam ia ki teknoloji ka CSIR-CMERI ban pynkhlain shuh shuh ia ka Meghalaya bad ban plie lad ia ka ban kyrshan ialade. U Sanjib Dhar,Joint Secretary, Ri-Bhoi Farmers Union,  Meghalaya  u la dap da ka jingkmen ban iohi ia ki teknoloji ka CSIR-CMERI kiba iadei bad u shynrai bad u sying.

U la ong ruh ba ka kynhun ka kwah ban leit jngoh ia ka CSIR-CMERI, Durgapur ban kham ioh jingtip shuh shuh shaphang ki Sustainable Ecological Concept bad ki Farming Technological Advancement jong ka CSIR-CMERI bad ban pynsaphriang ia kine ki jingtip hapdeng ki nongrep ka Meghalaya.

U Director ka National Institute of Technology, Meghalaya bad ka kynhun jong u ki la iakren bad ki ophisar ka CSIR-CMERI halor ka jingiasoi ia ka MoU ban pyntreikam ia ki teknoloji ka CSIR-CMERI ha ka jylla, ka jingai jingiarap ia ki Start-Up, ka jingpyntbit ia ki briew bad ka jingiatrei lang ha ka jingwad jingtip ba bniah.

U Dr. Atanu Saha, Director, North-East Council u la iakren halor ki teknoloji ba la wanrah da ka CSIR-CMERI bad ki lad ban pyntreikam ia kine ha Meghalaya ha ka jingiatrei lang bad ki sorkar jylla bapher bapher jong ka thain shatei lammihngi. U Dr. Saha u la kyntu ia ka CSIR-CMERI ba kan phah ia ki jingtyrwa sha u Director, North-East Council khnang ban wad lad ban pyntreikam ia kine ki teknoloji ha ka thain shatei Lammihngi.

What Next?

Recent Articles

Leave a Reply

Submit Comment

*