Kwah ka seng samla ka party UDP ba ka sorkar kan buh noh ia ka “State University”

Shillong, Jymmang 14:  Mynta ka sngi ka seng samla jong ka United Democratic  Party jong ka nongbah Shillong kala ia kynduh mynta ka sngi ban ia kren ia ki kam jong ka seng samla ka party hapoh kane ka nongbah Shillong.

Haba kren ha ki lat pathai khubor ha dien ka jingialang u President u bah Manbhalang Syiemlieh la ong ba kum ka seng sala ka kwah ba ka sorkar kan buh ia ka skul bah jong ka jylla “State University”  na ka bynta ka jingmyntoi jong ki samla ka jylla.

Haba ia dei bad ka eksam CUET kin sa pan jingpynshai na ka sorkar hato kane ka jingpynlait ia ki samla jong ka jylla Meghalaya ban thoh ia katei ka exsamin kan long tang mynta lane wat ha ki snem ban wan ruh, kane ka bynta kam shai.

Naka liang ka seng samla UDP ki pdiang sngewbha ia ka rai jong ka sorkar pdeng ban pynlait ia ki samla ka jylla na kane ka eksam,  ka seng ka sngew ba kane ka eksam kan long kaba eh namar ki iapher ka syllabus.

Kiwei pat ki rai kiba la shim ha kane ka sngi ki long ban pynkhlain ia ki nongkit kam jong ki seng samla ha kane ka nongbah Shillong kiba don hynniew tylli ki konstitwensi, ka seng kan trei shitom ruh ban pynthikan ba ka party kan ialam ia ka sorkar ha u snem 2023.

Ha kane ka sngi la don lang u president jong ka seng samla u bah Kyrmen Shylla ba dei ruh myntri ha ka sorkar, u general secretary ka party u Dr. Jemino Mawthoh, u Working President u bah Paul Lyngdoh bad kiwei kiwei ki nongkitkam jong ka party kila ia don lang.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet