Shillong, Jylliew 2: Ka seng JSU CENTRAL BODY lyngba u President Rangbah jong ka u Jesrom Shylla bad u Assistance general secretary u Neilkee R Mukhim ki la buh jingkylli ia ki 7ngut ki MLA ka Rilum Jaintia bad ha ka juh ka por ia ki myntri sorkar ki ba don ha ka sorkar MDA ba balei ka jah ka bhah kyrpang ka Jaiñtia hills ha ka 100 jing thiah PRE FAB CORONA CARE CENTERS katba ka Shillong bad ka Tura ki ioh ia ka ka jong ka bhah.
ka seng ka kdew ba man ki por ia ka Ri lum Jaintia la leh klet ha ka ha kino kino ki bynta khamtam haba ngi iohi ban kiwei pat ki District ka Jaintia ka kham shah ktah ha u ne u CoVid-19.
Ka seng hadien ba ka la ioh jing tip ba ka Jaiñtia hills ka khlem ioh bhah ka dap da ka mynsiem ba sngew sih bad sngew khia ba barabor kam juh ioh ia ka bhah lajong ka ba dei hok ban ioh khamtam ha ba ia kren ia ha ka liang ka roi ka par.
Kumba ngi tip ba ka Jaiñtia hills ka dei ka wei na ki district ka ba shah ktah bha ha u ni u khlam Covid 19,kumta ka don kam bha ban ioh kum ki ne ki 100 jing thiah PRE FAB CORONA CARE CENTERS khnang ba kan lah ban ia khun ia ka ne ka khlam ha ka ne ka district hi baroh ka wei.
Ka seng ka la ai jing mut ia baroh ki shnong ki ba don ha Jaintia hills ba kin buh ia ki community isolation center bad ha ka juh ka por ka la ai khublei ia ki dong ki shnong ki ba don ha poh Jowai ki ba la buh ia ki ne ki corona center ba kin long ki nuksa ba bha na ka bynta ki wei ki shnong khnang ba kan iarap bad kane kajingpang bkan ym bit ne saphriang sha ki wei.
Ka seng ka kyntu ruh ia ka sorkar jylla ba kan plie shuh ia ki Corona Care Centre hapoh Ri lum Jaintia namar lada ngi peit mynta dang duna bha kajingdon jong kine ki centre hapoh Jaintia Khnang ba kin lah ban ai jingsumar ia ki briew kiba bit ia une u jingpang..
Te na ka Liang ka seng JSU ka kyrpad jur ia ki MLA baroh ki ba dei ban shim khia ban tuklar ia ka ne ka kam bad bud dien ban pyn ioh khnang ia ka ne ka Hospital 100 jingthiah PRE FAB CORONA CARE CENTERS ka ba dei hok ban ioh ha Rilum jaiñtia ba kan iarap ia ki to ki briew ki ba ioh ia u ne u khniang bad ban pynkhreh ruh na ka bynta ka wave ka ba lai jong u ne u khlam Covid 19.
