Shillong, Jylliew 24: Ha ka step 24 tarik u Jylliew, ha ka por 12:00 PM hakhmat ka MUDA la lap ba la don kawei ka pla rong ïong ka la pynlong ia ki pulit ban suba ba ka don ki tiar jingma ba la shu wan Bret ha katei ka jaka.
kane la pynsyier ruh ia ki ba don ha katei ka jaka. Ki pulit ki la ap ia katei ka pla kumba shiteng kynta eiei hynrei ym don ba wan kam satia bad ki la shon dur ia katei ka pla ïong naba la suba sniew.
Ha ka por 12:40 PM la lap ba dei kawei ka khynnah samla kynthei ba la wan shim ia katei ka pla bad kam trai ba ka dei ka jongka. Ki pulit ki la ki la pyni ka jingbitar ha kata ka por ba ka samla la wan ba shim ia kata ka pla.
Hapoh katei ka pla la lap ba ym don eiei ki tiar ba buh jingma ia ki nongleit nongwan katba la lap pynban ba ki dei tang ki jain ki jongka bad kiwei ki jingdonkam shimet jongka.
Katei ka khynnah samla ka iathuh ba kam don jingmut sniew eiei hynrei ka buh ia ka pla namar ka donkam ban leit kiwei pat ki jingdonkam, namar kam kot bor ban rah ia katei ka pla kat sha ka ba ka leit, kaba pynlong ia ka ban buh ha katei ka jaka.
