Kynduh jingeh ki paidbah Jirang ban khang sah ia ka khyrdop ha Iewmawroh,Ri Bhoi

Shillong, Nohprah 05: Ki paidbah naduh patharkhamah, Jirang bad ki shnong kiba bun ter ter sha duh Iew Mawroh kila pynpaw ia ka jingsngsih ban iohi ba ka sorkar ka khang sah ia ka khyrdop kaba don ha Iewmorah na ka daw jong kane ka COVID-19 haduh mynta ym pat plie.

Ki paidbah katei ka thain ka dei tang lyngba kane ka surok kaba kia leit ia wan iew sha Mirza kaba hap hapoh jong ka jylla Assam ban thied bad pet ia ki jingdon kam jong ki, namar ka kham jan sha Mirza ban sha Nongpoh.

U MLA jong kane ka jaka u bah Sosthenes Sohtun haba kren ha u SP News Agency u la iathuh ba i la iakren ia kane ka jingeh ki paidbah bad u myntri rangbah ka jylla u Conrad K Sangma bad halor kane la ong ban thoh sha u Chief Secretary jong ka jylla.

U bah Sohtun u la ong ba ka dei ka jingshisha ba ki paidbah kane ka thain kila ia kynduh ia ka jingeh namar ka jingkhang sah ia kane ka khyrdop kaba ia rung ia mih sha Assam namar kiba bun ki shnong ki ia leit ia wan bad ka jylla Assam lyngba kane ka surok.

La iathuh ruh ba na ka liang jong u, u la ia kren bad ki shnong katei ka thain ba kin phah da ka jingthoh sha u Chief secretary bad na ka liang jong u kum u MLA katei ka jaka un sa skhim khia ban ia kren ban peit ba ia kane ka khyrdop ban ioh ban plie noh na ka bynta ka jingsuk ki paidbah.