Kynduh ka HYC ia u Lat ban kyrpad ban ithuh ia ka Niamtre, Naim Tynrai kum ka niam ritpaid

Shillong, Jymmang 25: Mynta ka sngi ka seng Hynniewtrep Youth Council (HYC) kila leit ban ia kynduh ia u Lat jong ka jylla u Satya Pal Malik ban kyntu ia u ban ia kren lem bad ka tnad kam poh iing ka sorkar pdeng ban ai ka jingithuh ia ka Naimtre bad Naim Tynrai seng khasi kum ki niam rit paid.

Haba kren ha ki lat pathai khubor ha dien ka jingiakren bad u lat ka jylla, u bah Roykupar Synrem general secretary jong ka HYC la ong ba, kumba ka long ka sorkar pdeng kala ai ia ka jingtihuh ia ka naim Muslims, Christians, Sikhs, Jains, Buddhists, kumta kan long kaba bha lada ia ka Niamtre Niam Tynrai seng khasi ithuh noh ia ki ruh kum ka niam rit paid.

Katkum ka jingkhein kaba la ai da u bah Roykupar Synrem la ong ba ki don palat iaka lailak ngut kiba dang pynneh pynsah ia ka niam tynrai kaba ki dang bat haduh mynta mynne, lada ka sorkar pdeng ka ithuh noh ia kum ka niam rit paid kin ioh shibun ki jingmyntoi khamtam ha ka baibam ia ki khynneh skul.

Ha kane ka jingiakynduh na ka liang ka HYC kala iakren ruh iaki jingeh jong ki nongrep la jylla kaba haduh mynta kam shym don ia ka jingbuh da ka dor sorkar ia ki marrep ha kane ka jylla dei kane kaba la buh ia ki nongrep ha ka jingeh bad bun ki hap ban die tador ia ki marrep bad bret ia ki marrep haba tad palat ka dor.

Haba ia dei bad ki kamrep kamriang naka liang ka jong u Lat ka jylla u la pynsngew sha ki dkhot jong ka HYC ba ha kine ki sngi yn sa ia kynduh ia u myntri rangbah ka jylla bad un sa ia kren ia kane ka bynta ha ka jingiakynduh bad u myntri rangbah ka jylla.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet