Shillong, Jymmang 15: Ka seng smala pule Jaintia Students Union (JSU) ba dei na ki thain khappud bad ka Assam kila leit ban ia kynduh ia u myntri kam bor ding ka jylla u Abu Taher Mondal ban dawa na ka sorkar ban pynioh bor ding eletrik ha ka Dong Mohsngi jong ka shnong Bataw.
Ha kane ka jingiakynduh ka seng JSU kala pynpaw ha khmat jong u myntri ba, namar ka jingbym don light kala buh ia ki paidbah nongshong shnong ha ka jingeh kaba khraw khamtam ha ka por miet ki nongshong shnong kila kynduh jingeh shisha.
Ka jingbym don light kala buh ruh ia ka jingeh ia ki paidbah ha ka ioh ka kot namar bakim lah ban pyndon kam ia ki marrep ha ka rukom ka dei bad ka jingbym don light kala ktah ia bun ki jingtrei kam ha baroh ki liang.
Ha kane ka jingiakynduh na ka liang jong u myntri kam bor ding u la ai ka jingkular ha kine ki bnai ban sa wan yn sa pynbha lyngba ka skhim Revamped Distribution Sector Scheme(RDSS). Ka seng ka ai khublei ia kane ka jingkular jong u myntri.
