Kynduh ka KSU ia u Secretary ka tnad pule bap hah thoh CUET eksam sha bar Meghalaya

Shillong, Nailar 31: Ka shnat kaba dei peit ia ka pule puthi jong ka seng samla pule ka  Khasi Student’s Union Central Executive Council (CEC) mynta ka sngi kala leit ban ia kynduh ia  u secretary ka tnad pule puthi u Ambrose Ch Marak ban ia kren halor ka jingphah thoh eksam CUET ia ki samla pule sha bar ka jylla Meghalaya.

Hapoh ka jingialam u samla Raymond Kharjana, Education Secretary ka KSU CEC bad u Samla Rueben A Najiar Asst. Education Secretary KSU CEC ka lah ioh ban kynduh ia u Secretary ka Education Department jong ka Sorkar Jylla Bah Ambrose CH Marak ban kyntu ia ka sorkar ba ka dei ban leh ei ei ba ki samla na kane ka jylla Meghalaya kin ioh ban thoh ia ka eksam CUET hapoh ka jylla.

Ki samla pule na kane ka jylla Meghalaya kiba la apply ban thoh ia ka CUET eksam ban ioh pule ha skul bah NEHU ki don kiba ioh jaka thoh eksam sha Guwahati Assam, sha Kolkatta, Nagaland, Manipur bad sha Mizoram ruh kum juh.

Ha kane ka jingiakynduh bad u Secretary ka tnad pule puthi la ong  haba ki apply ban thoh ia kane ka eksam ki apply bad ki kwah ban ioh ha jylla Meghalaya hynrei haba la pynmih ia ki jaka thoh eksam kala poi sha bar ka jylla ka KSU kala ban jur ba dei ban ai lad ia kito kiba ym lah ban leit sha bar ba kin thoh biang ha jylla ia ka CUET eksam.

Kaba la kham pynklumar shuh shuh iaki samla pule namar ba ha ka jingpyntip ba ia ka jaka thoh eksam jong ki ka paw ha Shillong hynrei ynda la ioh ia ka admit kard ki jaka thoh eksam ka long pat sha bar ka jylla.

Na ka liang u Secretary ka Education Department u lah ai ka jingkular sha ka seng ba na ka liang jong u ha ryngkat u Chief Secretary ka Sorkar Jylla kin tuklar mardor iakane ka bynta.

ka Seng ka lah ban jur ruh ba ka Department jong ka Sorkar Jylla ka dei ban wanrah kloi noh ia ka jingpynbeit ia kitei ki kynrum kynram ha shuwa ban sdang ka eksamin jong ka CUET Phase 1 ka ban long ha ki tarik 1, 2 bad 3 tarik jong u Bnai September.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet