Shillong, Nohprah 05: Mynta ka sngi ka kynhun “Ka Synjuk Ki Rangbah Shnong Border Area Raid Nongtung” kiba hap hapoh ka Hima Khynriem mynta ka sngi kila ia kynduh ia u myntri rangbah ka jylla u Conrad K Sangma ha kaba kila kyntu ban buh ia ka Border Out Post ha Umlaper, Ummat lane Umtlieh.
Ha ka jingthoh kaba kila ai sha u myntri rangbah ka jylla kila kdew ba ka Police Out Post kaba don ha Mawlasnai ka jngai kumba kumba 20 haduh 30 km na kitei ki jaka bad haba ka don kano kano ka jingeh ka shimpor shibun ia ki pulit ka jylla ba kin poi sha katei ki jaka.
Kum ka synjuk kila kyntu ia ka sorkar ba lada ka buh ia ka BOP ruh ka ei ban bun bun ki pulit bad kin don ruh ia ki tiar sait kiba katkum kane ka juk kaba mynta bad ka jingdon ki pulit kim dei ban duna ia ka 50 ngut ban pahara ia pud u sam bad ban ai ka jingsngewshngian ia kiba don ha khappud.
Ha kane ka jingiakynduh bad u myntri rangbah kila pynpaw ia ki jingeh kiba bun kaba ki la mat na ka por sha ka por bad ia ka jingleh jong ki briew na Karbi Anglong bad ki don ka jingsyier ba ioh ki shah pynthud ha ka election 2023 namar ki hap hapoh ka Mawhati Konstitwensi.
Na ka jingdawa jylla la ka jong ki Karbi ki bat beit ia ka jingpynbna sorkar kaba la mih ha u snem 1951 bad mynta ki don ka jingthmu ban buh ia ka ophis jong ka PHE ha Umlaper, ka BOP ha Umsarang bad ka ophis jong ka Sub Division kan long ha Madan Umwang, ka iing sah shipor kan long ha Jatalong kitei kiba ka KAAC ka thmu ba ban leh ia mynta.
