Shillong, Nohprah 10: Ka Khasi Students’ Union Nangbah Unit haka ha kine ki sngi hapoh ka jingialam jong u President Samla Morningstar Pasi bad u Organising Secretary Samla Sundayborn Thubru kila leit ban ia kynduh ia u SE jong ka PWD Road Jowai Circle ban kyntu ban maramot noh ia ka surok J.N.K.K kaba don 7.km
Ha kane ka jingleit ia kynduh la don lang ryngkat ka jingia synran lang jong u Samla Rangbah Ohibait Dkhar President KSU Jaintia Hills District Unit, kila leit ia kynduh ia u Superintending Engineer PWD Roads Jowai Circle, Jowai ha ka ryngkat ka jingthoh ban pan jingiarap na ka bynta ban maramot ia u Surok J.N.K.K naduh 0-7 KM.
Ka seng ha katei ka jingthoh kala pynkynmaw ruh ia katei ka ophis ba ia ka tei ka juh ka surok la dep ban maramot dang mynshem snem,hynrei kaba sngewsih ban ong ba ia u juh u tei u surok la nangsniew shuh shuh.
Ka seng ka kdew shuh shuh ba ia u tei u surok la iaid lyngba ym tang ki khun jong ka Shnong Nangbah hynrei u dei u surok u ba ia iaid lang da kiba bun ki shnong kiba marjan bad kiba dei iaid lyngba.
Te ha ka jingiakren bad u tei u officer u la kular ban phah ia ki staff bad kumjuh ia u SDO ban leit jurip ha ryngkat bad ka seng ban ioh ban ia pynbeit ban ioh leh ia kaba donkam.
