Shillong, Jymmang 17: Ki Nongialam jongka Sur u Paidbah Ka Bri U Hynniewtrep ka la ia kynduh bad ki Nongrep ka thain Pynthorumkhrah mynta ka sngi ka halor ka eh jong ki Nongrep bym ioh ban pyniaid iew iaki jhur bad jingthung jongki namar ka Jingkhang dam.
Ha kane ka jingiakynduh la iatai ia shibun ki bynta,ka bha ka miat bad ka jingmyntoi ba iadei bad ki Nongrep naduh ka jingduna ka iew ka hat ki lad jingiarap naka Sorkar shaki Nongrep.
Halor kane ka KSUPB7T ka dawa baka Sorkar lyngba ka Team 1917 kadei ban Thied iaki mar rep kum ki jhur bad kiwei haka Dor Kyrshan jongka Sorkar( Minimum Support Price) khnang ban long kum ka jingiarap bad jingkyrshan iaki Nongrep.ym dei ba ka Team 1917 kan thied kum ki nongkhaii shi met ha iew ha hat.
Ka Sorkar ka dei ban map noh mar shiteng iaka Ram rep kum ka KCC loan bad kiwei de ki ram rep naka bynta u financial year 2019-21 bad 2020-2021.
Ka Sorkar ka dei ban plie iaki iew shipor ( temporary market)iaki Nongrep ha man laki jaka khnang plie lynti iaki marrep khamtam ki jhur kiba pyut kloi ban pyniaid iew iaki mar jongki bad kumjuh ruh ban lait naka jingialang lymbung than jongki paidbah.
Ka tnad agriculture kadei ban ai jingpynshai bad jingbatai ia baroh ki lad jingiarap ne ki scheme ba la mang daka Sorkar Kmie ( Central Government)iaki Nongrep ka Ri India.
kum ka PM-Kissan, PMKSY, PMKMY, PMFBY,PKVY,RADP,NMSA e.NAM bad kiwei kiwei de.khnang ban long ka lad jingmyntoi iaki Nongrep haka jylla Meghalaya baroh kawei.
Ki Nongialam ka KSUPB7T la lam khmat da u Secretary Egenstar Kurkalang,ki Dkhot bah Ksan Kharumnuid,Alex Nongbet kong Maya Niangti bad kiwei kiwei.
