Shillong, Kyllalyngkot 17: U Gourav Gogoi MP ka Congress na ka jylla Assam ba dei u nongpeit pyrman ha ka jingjied ia ki kyrtong ka party ban pyniakhun ha kane ka MLA elekshon sha ka iing dorbar thawain ka jylla ban long ha u bnai ban wan mynta ka sngi u la wan ban ia kynduh ia ki kyrtong ka party ha Congress Bhavan Shillong.
Haba kren ha ki lat pathai khubor la ong ba u la ia kynduh ia ki kyrtong kiba pan tiket marwei marwei ban ia kren bad ki ban tip ia ka jingtrei kam ka jong ki, ia ka jingpule ka jong ki bad ka jingdon jong ki ha ka party, na ka jingiakynduh la sngewthuh shai ia kaei kaba ki paidbah ka jylla ki kwah.
U nongialam a party Congress u ong ba ki don ka jingkyrmen kaba khraw ba kin sa leh bha ha kane elekshon bad kum ka party ka sngew kmen ba ha kane ka kynti kaba mynta baroh ki kyrtong ki dei kiba ka party ka kyrmen ba kin poi sha ka thong, ia ka kyrteng yn sa pynbna noh shen ha kine ki sngi.
Haba la kylli haba ia dei bad kane ka jingiakren pynbeit pud hapdeng ki ar tylli ki jylla la ong ba kaei kaba leh ha pdeng ka sorkar Assam bad Meghalaya ka dei kaba yn nym lah ban pdiang ba tang ki ar ngut myntri rangbah ka jylla kin ia shim ia ka rai.
U la Gogoi u la ong ba ka jingleh donbor kaei kaba la jia ha pdeng ka jylla Assam bad Mizorm bad kaei kaba la jia hapdeng ka Assam bad Meghalaya kala wanrah ia ka jingbym ia hun hapdeng ki paidbah nognshong shnong.
U President ka MPCC u bah Vincent H Pala la ong ba u la kren hapoh Parlimaent ban dawa ba ka sorkar pdeng ka dei ban thung ia ka “Boundary Commission” ym tang kata la phah ruh da ka shithi sha u mytnri rangbah duh ka Ri India. Ban pynbeit pud kam dei ka kam kaba suk.
