Kynduhki MDC ka VPP na u myntri DCA ban pynbeit ia ka jingpynrung skhim ia ki MDC na sor

Shillong, Jymmang 13: Ki MDC ka Voice of the People Party na Khasi Hills Autonomous District Council (KHADC) bad Jaintia Hills Autonomous District Council (JHADC) kila leit ban kyrpad ha u Prestone Tynsong symbud myntri ka sorkar jylla halor ban pynbeit ia ka jingpynrung skhim na ka bynta ki MDC constituency ki ba hap ha ki jaka sor jong kine ki artyli ki Autonomous District

Kila pynpaw ba kane ka jingleit kyrpad jongki ha u symbud myntri ka sorkar jylla ka dei halor ka jingshem jingeh ki MDC ba ha ki jaka sor ban tyrwa bad thep online ia ki skhim ban pyntrei ha ka portal jong ka Ministry of panchayati, kiba dei ki tide bad untide grant kiba la mang na ka bynta ki nongkyndong lyngbah ka 15th finance Commission, ki MDC ba na ki jaka sor ki pynpaw ia ka jingshem jingeh ba ki skim ba thep online ki shah kyntaid ha katei ka portal.

U bah Powell Sohklet u ba dei u EM Development jong ka Khasi Hills Autonomous District Council u la ong ba haba thep skhim na ka bynta ki jaka sor kane ka website lane portal ka kyntait, kumta kane ka jingshakyntaid ka la buh jingeh ia ki.

Halor kane, u bah Powell Sohklet u la iathuh ba na ka liang u symbud myntri rangbah u bah Prestone Tynsong u la kular ban khot ia ka tnad District Council Affairs, ka tnad Urban Affairs bad ka tnad Community bad  Rural Development  jong ka sorkar jylla ban iakren ban pynbeit halor ka jingshem jingeh jong ki MDC.

Ha ka juh ka por u bah Powell Sohklet u la iathuh ba shen ka tnad District Council Affairs ka sorkar jylla kan ai jingmynjur noh ia ka kyrteng u Mathew K Makdoh kum u MDC shu sieh hapoh Khasi Hills Autonomous District Council.

U bah Powell Sohklet u la ong ka jingjied ia u MDC shu sieh ka dei kat kum ka riti synshar jong ka ri India lyngba ka Six schedule ka ong ba dei ban don uwei u nominated member.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet