Shillong, Lber 21: Mynta ka sngi ki paidbah, khamtam ha kane ka nongbah Shillong kila kohgnuh ia ka jingbthah jong ka sorkar ban iada na u khniang jingpang COVID-19. Ki surok kila thylli bad ki dukan kila khang lut baroh.
Ha ka por mynsngi kala don ruh ka jingpynbna paidba lyngba ki briew jong ka sorkar ha kaba kila batai ia ki paidbah ba kumno ki dei ban leh ha ki shnong ki thaw ban iada na kane ka jingpang bad lada don kano kano ki paidbah ki dei ban pyntip ha u number 108.
Mynta ka sngi la iohi ba kiba iaid ba ieng tang katto katne ki kali jong ki riew shimet, hynrei ki paidbah kila ia kohnguh ban shong khop ha la ki iing ki sem bad wat ha ki lynti shong duna kiba shong kai.
Kumba la pynbna da u mytnri rangbah duh jong ka Ri India ba la shai ka sngi u Blei ka dei ban long ka pakhang shnong da ki paidbah jong ka Ri naduh ka por 7.00 baje mynstep haduh 9.00 baje mynmiet.Ha kane ka nongbah Shillong la iohi ba ki pulit kila don ha man ki dong bad ki jaka ban ap phara.
