Shillong, Jylliew 22: Ka Dorbar Shnong jong ka Mawryngkneng ka ha poh ka East Kahsi Hills District ka la mih sha khmat ban pyrshah ia ka jingkyrshan jong u MLA ka thain u bah Havingstone Kharpran ban buh ia ka jaka talasi hapoh ka surok bah ne ka National Highway ka ba danghap hapoh ka jingkhmih jong ka Dorbar Shnong.
Haba kren ha ki lat pathai khubor mynta ka sngi ka sngi thohdieng ka 211 tarik u Jylliew 2024 na ka liang u Petar J Lawai u ba dei u sordar jong ka Mawryngkneng pyllun u la pynpaw ba ka dorbar shnong kam sngew iahap ban don ka check post namar ba kansa wanrah jingeh kylla ia ki paibah. U la ongruh ba ka jingdon jongkine ki check post kan wan rah ia ka jingeh jong ki paidbah ha ka leit kawan bad khamtam ha ka jingdheng kali.
U bah Lawai u la ongruh ba ka jingdon jong kine ki jaka talasi kan wanrah ia ka jingduna jong ki pulit ha poh ka Mawryngkneng Police Station ha ka ba kim don shuh ban leit patrolling sha ki shnong ki thaw bad kumjuh ruh ha ki Highway ha ka ba ka la wanrah ia ka jingjylai jong ki kam sniew ha ki shnong ki thaw.
U la ongruh ba ha ba don kino kino ki jinjia kum ha ki drug cases ne ka jingpynthud ha ka shnong suk shnong sain ha ba ki pyntip sha ki pulit kan shim po ria ki pulit ba ki poi da ki kynta bad ha ba ki wat ia ki daw ka jubab ka long ba ki duna ki nongtrei ne ki Pulit.
U la ongruh ba ka jingthmu jong ki nong shong shnong ban kyrpat ia ka sorkar ban wanrah ia ka Police station ka long ban wan rah ia ka jingshngain ia ki paidbah. Kumta na ka liang u Sordar jong ka Mawryngkneng u bah P Lawai u la kyrpad ia u MLA ba umdei ban pyniaid shakhmat ia kane ka jingthmu.
U la buhr uh ka jingkyntu kylla ia ka tnad kampoh iing ka Jylla bad khamta ia ka DGP ka Jyll aba kidei ban dang kham pynkhlain shuh shuh ia ka Mawryngkneng Police station namar ka jingduna ki briew bad kumjuh ruh ban dangpynkhlain ia ki pulit Kynthei ha ka ban lah ban tehlakam ia ki kam sniew.
Pynban shu pynkynmaw ha kine ki sngi baladep na ka liang u MLA ka Mawryngkneng u Havingstone Kharpran u la ai ia ka jingkyrshan ia ka tnad Pulit ha ka ban buh ia kane ka jaka talasi hapoh katei ka surok bah kaba iaid na ka shnong Mawryngkeng bad kaba hap hapoh ka jingpeit ka shnong.
