Kynnoh ka HITO ba khlem bud ka sorkar ia ka bhah kam kyrpang  ba pynrung pule B.Ed

Shillong, Jymmang 12: Mytna ka sngi u President jong ka HITO u bah Donbok Dkhar la ong ba ka seng kala phah ia ka jingujor sha ka tnad pule puthi jng ka jylla lyngba u Director u Ambrose Marak ban ujor pyrshah ia ka jingbym bud ka sorkar ha kaba pdiang ia ki samla pule B.Ed  kaba don ha Rongkhon, Tura.

Haba kren ha ki lat pathai khubor, bah Donbok ka long ba ka B.Ed Kolej ha ka jylla ka don tang kawei, ha Rongkhon Tura jong ka West Garo Hills District, la iathuh ba ha u snem bala dep ki samla pule kiba la ioh ban pule ha katei ka jaka hikai ki don 50 ngut bad na kita ki Khasi ki don tang 7 ngut, kane ka kren shai ba ka sorkar kam shymbud karkum ka bhah kam ba kyrpang.

Haba ia dei bad ka jingpdiang ia ki samla pule ha ka B.Ed mynta u snem 2022 kan long na ka bynta 160 ngut,  bad kum kane ka jaka pule ha ka jylla ba dei jong ka sorkar ka don tang kawei ha Tura, namar kane ka khot aplikoshon kala kut na ka liang ka HITO ka dawa ba ka sorkar ka dei ban bun ia ka bhah thung kam haba pynrung ia ki samla pule.

Na ka liang jong ka seng ka kwah ba ka sorkar ka dei ban kren shai ha kaba ia dei bad ka jingmang ia ki samla ban ioh pule B.Ed  ha katei ka jaka pule jong ka sorkar jylla, ia kane ka dorkhas la phah sha u myntri ka tnad pule puthi lyngba u Direictor ka tnad pule puthi  ka sorkar jylla.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet