Shillong, Nohprah 13 : U publicity secretary jong ka seng lehnoh kaba la shah niew beain ha ka sorkar pdeng u Sainkupar Nongtraw, la ong ba ka seng Hynniewtrep National Libération Council (HNLC) ka kynnoh ba u Justice SR Sen u la ktah ia ka jingsngew ki paidbah ka North East da kaba kyrshan ia ka Justice citizenship Ammendment bill 2016.
Ka jingkwah jong u Justice SR Sen ban shah ia ki briew na kiwei ki ri, kum ka Bangladesh, Pakistan bad Afghanistan ba kin wan sha India ban long ki nongshong shnong ka long kaei kaei kaba ym lah ban pdiang. La shah ia ki briew na bar jong ka ri kin wan kiwei ki jylla ka NE kin sa long kum ka jylla Assam bad Tripura.
Ka seng lehnoh HNLC ka ong ba ka jingleh jong u Justice SR Sen ka long kaba ym lah ban pdiang kane kan ktah ia kane ka dong shatei lam mih ngi baroh kawei kum ki briew kiba rit paid la ong u bah Sainkupar Nongtraw publicity secretary jong ka seng HNLC ha ka jingpnylaiy khubor mynta ka sngi.
