Shillong, Jylliew 16: Ka jingpyrshang ban lehbor thom bor jong ki bor shipai ia ki nongshong shnong ha Mawshbuit ka lah bteng biang ha kaba ia kane la sakhi hadien ba kine ki shipai ki lah sdang ban jurip bad ban klun sa ia ka jaka kaba ki nongshong shnong kane ka thain ki ju pyndonkam ban rep ban riang.
Naka liang jong ki nongialam jong ka seng KSU kila kam ba ki shipai kila sdang ban leit ban jurip jaka ki shipai sha ka jaka jong ki riew paidbah ka la pynlong ia ki nongshong shnong ban i-ar-tatien namar kim lah ban pei phang ia ka jingmut ba sha lyndet jong kine ki Shipai.
Hadien mar syn ioh jingtip ia kane ka jingjia ki Dkhot ka KSU Mawshbuit Unit mar mar ki la hiar pynstet sha katei ka jaka ban wad jingtip ia ka jingthmu jong ki hynrei kim lap shuh ia ki namar ki la dep leit phai noh sha ka ktem jong ki.
Na ka liang ka KSU Mawshbuit Unit ka pynrem jur halor kane ka jingiai pyndik bad pyntieng pyn smiej kine ki shipai nalor ba ka kam ha kaba iadei bad ka lynti iaid lyngba ka khyrdop shipai ban leit sha ka Shnong Mawshbuit ka dang don hapdeng ka jing ia kren hynrei kine ki juh pat ki sdang sa da kine pat ki rukom thombor ia ki Paidbah.
Ka seng kan ym shong kli kti haba ia dei bad kane hynrei kan iai bud dien khnang ban tip bad lap ia ka jingthmu ba rieh kine ki Shipai bad horkit hordang kin ym ailad ba kin wan pynthut ia ki nongshong shnong ong ka kyrwoh na ka KSU Mawshbuit Unit.
