Shillong Nailur 07: Ka seng Hynñiewtrep Integrated Territorial Organization (HITO) ha ka meit sngi balang ban pynshisha ia ka jingkynnoh ba don ki High Level ha ki kam khaii dewiong kala pyllong ia ka jingkhynra ba kyndit kyndit ha Mawryngkneng ha kaba ki la ïoh ban bat haduh 50 tylli ki trok ba kit be-ain ia u dewiong.
U Bah Donbok Dkhar President ka seng HITO haba kren sha ki lad pathai khubor, u la ong ba ka ha kane ka jingkhynra ba kyndit, ka seng ka la ioh ban kem tang 18 tylli ki trok katba 12 ki truck ki la lait phet noh.
Ka seng HITO kala ujor da ka ehjahar pyrshah ia ki 18 tylli ki trok dewiong hapoh Mawryngkneng Police station bad ia ka ejahar jong ki la pdiang hapoh thnad wat la ki pulit ki kyntait ban mudui mukot duma ia ka ejahar kaba kila ai, la ong u bah Donbok.
Ka seng ka la pynpaw ia ka jinglyngngoh ba mynta mynstep ka sngi balang la don ba phone na katei ka Police Station, ha kaba ki la pyntip ba kim lah ban Rejister mukotduma ia kino kino ki Kam khaii tuh beain ia u dewiong, kane ka jingbym lah ban register mukatduma don ei ei la ong u bah Donbok.
U President ka HITO la ong ba kane ka jingleh ka seng ka long halor ka jingkren u symbut myntri rangbah kajylla ban wanrah ia ki skhi satar lada don ka jingiakhaii beain ia u dewiong, u tei u nongialam ka seng u la kylli hato ka sorkar kan pynshitom ne em ia kita ki High level katkum ki Video kaba kila dep ban ring dur.
U President ka seng HITO u la kam ba ka la lap shisha ba don ki High Level bad kiba khaii tuh ia u dewiong. Katkum ka jingong u Secretary ka HITO u Bah Wanbun Dkhar, u la kynnoh ba ka sorkar MDA ka la da rapjot ha ka jingkhaii tuh ia u dewiong.
Naduh u send 2014, ka NGT Kam pat weng ia ka jingkhang ban tih dewiong. Hynrei kane ka sorkar ka la pyrshang ban tep eitmiaw ia ka jingjyrsih halor ka jingkhaii bad ka jingtih beain ia u Dewiong la ong u Secretary ka HITO. Halor kane ka HITO kan leit ban ia kynduh ia u state President ka BJP u bah Ernest Mawrie ban dawa phah toh kit CBI.
