Kyntait u bah Gigur Myrthong ia ka jingkynnoh ka seng lehnoh HNLC ba u trei Benami

Shillong, Rymphang 24: U Bah Gigur Myrthong ba dei ruh u MLA jong ka Mawshynrut mynta ka sngi u la kyntait war ia ka jingkynnoh jong ka seng HNLC ba u trei benami, ia kane u la kren ha ki lat ptahai khubor mynta ka sngi ha karma trei kam jong u ha Shillong.

Na ka liang jong u Bah Gigur u la ong ba kane ka jingkynnoh jong ka seng HNLC ka long ka bym don nongrim ha kaei kaei ruh namar ba kam shym don kum kata ka jingtrei Bemani, u la ong naduh ki snem 1995 kiba u la sdang ban trei kam u la trei hi da lade.

U Bah Gigur u la ong, haba ia dei bad ka ki karkhana kiba don ha Shallang, bala kynnoh ia u ba trei benami, haba pynshai ia kane la ong ba ki karkhana kam shong ha u MLA, ka shong beit ha ka tnad sorkar, ka tnad sorkar kala ai ia ka laisen bad kum u nongmih khmat um lah ban tuklar ei ei ruh em.

La ong ba ka tnad karkhana kala don la ka kynti ban peit bniah ia ki kot ki sla, ban peit ba ki trai khydnew, ki trai shnong kila ai ia ka jingmynjur na ka  liang jong u nongmih khmat um lah ban tuklar, hynrei ka jingkynnoh ba u leh benami kam don kano kano ka jingshisha.

La ong ba shuwa ba un long nongmih khmat u la don ki kam ki jam jong la jong bad ym don don kam shuh ban leh ia kata ka benami, la ong ba u don ka jingsngew haba mih kum kito ki khubor, na ka liang jong u kyrpad ba kum ki seng kiba la iaw kiba la biang ka jingmut jingpyrkhat kim dei ban shu kynnoh hynrei kid ei ban wat bniah shuwa ia ka jingshisha.

Halor ka jingmih jong ki karkhana ha Shallang, ka tnad ba peit ka pan beit tang ia ki kot ki sla jong ka shnong bad ki trai khyndew, bara bor hi haba kila ai ki trai shnong, ki trai khyndew ka tnad sorkar hi ka ai katkum ka jingdon katta ka jaka la dei 10 tylli ne 12 tylli, namar kam don ka jingiapher.

La ong ba ha Jiantia Hills ruh ka juh hi, hangtai ha Byrnihat ruh kum juh, ki dei ki juh kumba don ha Shallang namar kiba pyniaid ki dei ki briew kiba na bar, hynrei ki trai shnong ki don kum ki Local Director, da phi peit bniah kaba don ha Rywiang ruh ka juh kiba bun ki kompeni dei jong ki briew kiba na bar kam dei kaba ka leh phylla ha Shallang.

Ha dien ba la mih khubor kumta u la ong jingtip khyndait bad u shem ba ia ki kot ki sla la leh hi da ki kompnei bad u Local Director u dei u trai shnong, dei na kata ka daw ban kynnoh ia u ba u leh benami kan long kaba shisha namart haduh mynta hi ym pat don kam ban leh benami bad no bad no ruh tang na ka bor la jong ruh nga lah hi ban pynieng kito ki karkhana.

U la ong ba u sngewsih ban iohi ia kaei kaba la mih ha ki lat pathai khubor la ong ba u kyrpad ia ki seng HNLC ba haduh mynta hi um pat juh trei benami u dang trei hi ha ka kyrteng la jong bad u leh kano kano da ka bor lajong, hooid ka jingiadei ia thied ia die hi bat ki dkhar baroh ia kata ki tip hynrei ban ong ba ban ia die kyrteng kam long kaba shisha.

La ong ba haduh mynta kiba bun ki nongtrei ki dei ki briew na kane ka jylla, hynrei ki don ki jaid kam kaba ki briew la jong kim lah ban don kam ia ki briew kiba na bar kata ka don, haka juh ka por u la kyntu ba lada don kano kano ba kin sngewbha ba kin daw at bad bishar bniah shuwa.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet