Shillong, Jymmang 11: U bah Sniawbhalang Dhar Symbut myntri rangah ka jylla mynta ka sngi u la kyntiat ia ka jingkynnoh ka seng HNLC ba u la ai pisa, la ong ba kane ka jingkynnoh ka long ka bym don nongrim haei haei ruh, la ong ba ka dei tang ka jingpynbud nam pyrshah ia u.
U la ong ba kane ka jingkynnoh ka long tang ka jingpynbud nam pyrshah ia u bad u la ong ba ha ka sain pyrthei ki liang pyrshah ki juh shim kabu ia kum kine ki jingshah kynnoh ban dawa hiar shuki.
Haba ia dei bad kane ka jingdawa la ong ba un nym hiar shuki namar ka dei ka jingkynnoh lada ki kynnoh la ong ba dei ban pynshisha, la ong ba kane ka jingkynnoh ka don aiu re sha lyndet ban pynbud nam ia u ha ka sain pyrthei.
U symbut myntri rangbah ka jylla la ong ba ka jingdon jong u ha kane ka kam ka long ban trei na ka bynta ka jylla bad nangne sha khmat lei yn dang kham trei shuh shuh na ka bynta ka jingbit jingbiang ki paidbah.
