Shillong, Jylliew 15: U myntri rangbah ka jylla Meghalaya mynta ka sngi u la kyntait mardor ia ka jingkynnoh ba la pyndon kam bakla ia u khaw ka tnad Social Welfare.
U myntri rangbah ka jylla u ong ba u khaw ba ka jylla Meghalaya ka ioh lyngba ka tnad social welfare ban shna jingbam ban sam lyngba ki Aganwadi ka long 1604 MT bad lada khein sanphew kilo shibyrni ka long 34000 byrni ym shilak byrni.
U Myntri rangbah u la pynshai ba ka sorkar kala dep ioh ia ki jingbam katkum ka bhah na ka bynta ki lai bnai kiba la dep ka jingkynnoh ba ka don ka jingpyndon kam bakla ka long ka bymshisha.
Ka jingkynnoh ki seng bhalang Continental Milkcose Ltd kala niew beain mynshuwa Kane ka dei kaba bakla, u myntri rangbah ka jylla u la kyntu ia ki seng bhalang bad ki lad pathaikhubor ba kin da wat shuwa ban kynthoh.
Halor ka jingkynnoh ba dei ban aitihaasik sha ki kynhun treilang ban shna ia ki jingbam, u myntri rangbah u la ong ba katkum ka lynnong kaba saw ka ain sam bam ka kren shai ban shallan ba ki sorkar jylla bad ki UTs ki lah ban ai ha kano kano ka kynhun tangba ki dei ban but ia ki kyndon bala buh.
Kane ka Continental Milkcose Ltd kala tylliat ia kine ki jingbam na ka bynta ka jylla Meghalaya kala long mynta la 20 snem, naka liang ka sorkar kan pan ka jingpynshai da ka jingthoh na ka kompeni bad kum juh na ki pulit Assam.
Ka jingkynnoh ba u khaw bala kurup ki pulit Assam dei na ka bhah NSFA bad ka bhah ban sam na ka bhah jong ka COVID-19 ka long ka bym shisha namar ka sorkar Meghalaya kala dep sei ia u khaw jong u bnai Jylliew ba dei na ka NSFA, ka jingkynnoh ka long ka bym don nongrim.
