Shillong, Nohprah 19: Ha kane ka jingiakynduh bad ki seng bhalang ka synjuk ki rangbah shnong, ki nongialam central puja committee na ka liang jong ka sorkar ka kyntu ia ki ba kin kiar na ka jingialang paidbah namar ka sorkar ruh kala trei ia kaei kaba ki paidbah ki kwah ban pyntrei kam ia ka Inner Line Permit ha ka jylla.
Ha kane ka jingiakynduh na ka liang jong ki seng kiba la ia poi sha kane ka jingialang kaba la long mynta ka sngi kila pynpaw ia ka jingsngewiahap ia kaei kaei kaba ka sorkar ka leh. Ha kane ka jingialang kila don ruh ki jingiai jingmut ba ka sorkar kala thoh iaki jingiai jingmut.
Ka jingiakynduh ia ki seng bhalang, ki seng niam ka long ban iakren halor ka jingdawa jong ki ha kaba ia dei bad ka jingpyntrei kam ia ka Inner Line Permit, ia kaba ka sorkar kala pynshai sha ki ba ka sorkar kala khot ia ka dorbar ba kyrpang ha ka 19 tarik mynta u bnai pdiang ia ka rai ban pyntrei kam ia ka ILP ha kane ka jylla.
Ha kane ka jingiakren bad kine ki kynhun bapher bapher mynta ka sngi, la ia kren ruh ha kaba ia dei bad ka shong suk shong sain ha ka jylla na ka liang jong ka sorkar kala kyntu ia baroh ki seng bhalang ki seng niam ki rangbah shnong ban ia treilang bad ka sorkar na ka bynta ban pynneh ia ka shong suk shong sain.
Haba jubab ia ki jingkylli haba ia dei bad ka jingkren jong u MLA barim jong ka Nongkrem u Bah Adrement Basaiawmoit u dei ban da lyn jigntip kaba kaba bniah shuwa ban kren ym ban pynkulmar jngmut bad kane ka long katkum ka jingpynbna jong ka sorkar pdeng la ong u symbut myntri rangbah ka jylla u Bah Prestone Tynsong.
Na ka liang jong u symbut myntri rangbah u la kyntu iaki paidbah ban ia treilang na ka bynta ka jingshong suk shongsain ka jylla. La ong ba ka sorkar kala kren shai ba ka Pyrshah ia ka CAA bad ia kane la dep ban ia soi ha ka 30/11/2019 ha Delhi.
Ki paidbah kim dei ban sngewthuh bakla halor ka MRSSA kane kala don naduh u snem 2016, hynrei kaei kaba ka sorkar ka leh ka long ba ka shu pynkylla ia ki katto katne ki bynta hapoh jong ka MRSSA ia kaba la tip kum ka MRSSA Ordinance ia kaba ym pat ioh ia ka jingmynjur jong u Lat.
