Shillong, Nailar 02:Na ka Liang Jong ka HYC Sengkmie ka dap da ka jingsngew khia ban ioh ia ki jingpyntip na ki para Ri kiba Shem jingjynjar ha kum kine ki por bad kine ki duh ia ki lad jingiarap na ka sorkar tang na kadaw ba Kim Don ia u Aadhar card.
Ki skhim bad ki lad jingiarap kiba wan na ka sorkar India ki la btah ba ki ba dei ban ioh jingiarap ki dei ban Don u adhaar card , kumba ka long mynta ki ba bun hi Kim Don bad ka Meghalaya ka dei kawei na ki Jylla ha ka Ri India ba Duna bha ka jingshon Aadhaar ki briew .
Na ka daw ka jingduna palat ki briew ba shon u adhaar bad namar ba bun ki briew ki don ha pdeng ka jingjynjar ha kine ki por , ka Seng ka la dep ai jingthoh Sha ka sorkar Jylla ba ka dei ban kren Sha ka sorkar India ban pynlait ia ka jingpan adhaar ia mynta namar ngi sngew ba ka jingiarap ia kiba kyrduh bad kiba shem jingjynjar ka kham kor ban ia kaba pan adhaar card na ki briew .
Ka Seng sa shisien ka pynpaw Sha ka Bor ka sorkar Jylla ba ki dei ban ia kren ia ka Sorkar India ban pyllait shwa ka jingpan adhaar na ki briew kiba dei hok ban ioh ia ki lad jingiarap na ka sorkar India ia mynta, la ong u bahut Robertjune kharjahrin president HYC.
