Shillong, Naiwieng 04: U bah Thomas Passah President ka KHNAM Youth Wing la ong ba ka jingkiewdor palat ka umphniang petrol bad diesel ka la ktah jur ia u paidbah hadien ba ka sorkar pdeng kala pynhiar dor ia ka umphniang.
Naka liang jong ka KHNAM kala pynsngew ba kiwei kiwei ki jylla ruh kila pynhiar khnang ba kan pynsting ia u Paidbah hynrei kaei kaba dang pynlong ia ka sorkar jylla Meghalaya ban dang sngap jar halor kane.
Ha ka jingshisha kam da donkam than shuh ban wan ki jingdawa na ki seng ban pynhiar dor noh ia ka state tax ruh khnang ba ki Paidbah ka jylla ruh kin lait na ka jingjar, la ong u bah Thomas Passah.
ka sorkar ka ladei ban sngewthuh ia la ka kamram hynrei ka jingleh matlah ka sorkar ia ki jingeh jong u Paidbah ka long kaba sngewsih kumta ngi dawa jur ba ka sorkar jylla ruh kan pynhiar dor noh ia ka dor umphniang da ka 10 lane 12 tyngka khnang ba kan long ka jingmyntoi ia u Paidbah ka jylla.
