Kyntu ka KSU ia ki kynhun ialehkai ban pynrung da ki trai jylla ym ban wan rah briew na shabar

Shillong, Naiwieng 20: Ka KSU Central Executive Council lyngba kane ka kyrwoh ka kyntu ia baroh ki kynhun ia lehkai lane ki Sports Association ba ki nongialehkai ki ban mihkhmat ia ka jylla Meghalaya ki dei ban dei beit tang ki trai ri trai muluk bad ba ym dei ban ai lad ne ai bynta ia ki briew ki bym ki Khasi ne Garo khamtam kito kiba wan na kiwei ki jylla.

Namar wat lada kine ki bar jylla ki tbit katno katno ruh bad wanrah namjop ia ka jylla hynrei ka jingangnud bad jingthmu kata ka long ban kyntiew ia ki khun samla ka Jaidbynriew ha ka jingialehkai kan ym urlong satia.

Pynban ka jingwahrah nongialehkai nabar lane ka jingailad ia ki nongwei ban ialehkai na ka jylla kan long ka jingduhlad ia ki khun samla ka Jaidbynriew bad ruh ka jingpynduh mynsiem ia ki samla ka jylla  ban pyntbit ha ka sap lehkai ba ki don.

Ka KSU ka kyntu ia ki Associations kum ka Meghalaya Cricket Association, ka Meghalaya Basketball Association bad kiwei kiwei ba lada don ka  jingjied nonglehkai ban mihkhmat ia ka jylla.

Ka KSU ka kyntu ba ki dei ban pynrung beit da ki Khasi Khynriam, Pnar, Bhoi, War, Maram bad Lyngngam lane Garo bad ki dei ban kyntait beit war ia ki bar jylla wat lada ki dei kiba tbit lane la ki dei kiba la ioh kot shnong lane wat lada ki ioh tnga da ka Khasi ruh.

Kum shibynta ban ai mynsiem ia ki khun samla Khasi ha ka sports ka KSU ka ai ia ka khubor ba ka long kaba kloi ban pyni da ki kam kiba tyngeh lada ka don ka jingshah kyntait ki samla Khasi ban mihkhmat ia ka jylla.

Ka seng ka sngewthuh ba lyngba ka jingioh lad ki samla Khasi ban ioh kiew rynsan ha ki jingialehkai kiba pher ba pher kan iarap shi katdei eh ia ki ha ka liang ka kamai jakpoh bad kan ai mynsiem ruh ia ki hep kiba rit kiba thrang ban ieng ha la ki kjat lyngba ki jingialehkai. La ong u samla Donald V Thabah general secretary ka seng KSU seng kmie.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet