Shillong, Nohprah 08: Ka Khasi Students’ Union lyngba ka Education Cell ka phah ia ka kyrwoh ba ka kyntu sha baroh ki nongpyniaid Ia ki jaka jaka pule kiba pher ba pher ba ki dei ban khang khyrdep ia la ki jaka pule ha ka 10.12.2019 kata naduh ki skul ki college bad ruh ia baroh ki University.
Ka jing khang khyrdep ia baroh ki jaka pule ha kane ka sngi ka long kum shi bynta ban pynpaw ia ka jingpyrshah halor ka jing leh donbor jong ka Sorkar kmie ban pyn trei kam ia ka ain CAB. Ia ki tarik eksamin bad ruh ia ki results la kyntu ba kin pyn kynriah shwa sha kawei pat ka por.
Kane ka long katkum ka kyrwoh kaba la phah da u samla Readyon Stone Nongrum Education Secretary Khasi Students’ Union Central Executive Council mynta ka sngi sha ki lada pathai khubor.
