Shillong, Nailar 01: Ka kynhun ki ba ai ka jingshakri sha ki ba wan jngohkai ha ka Jylla ha ka jingiakynduh bad u Myntri Rangbah ka Jylla u Conrad Sangma bad u bah Paul Lyngdoh Myntri ka tnad kam jongoh kai pyrthei, mynta ka sngi ka 1 Tarik u Nailar 2024.
Ha kane ka jingiakyndh kila dawa ba na ka bynta ka jingshngain ki nongwan jngoh kai ba dei ban wanrah noh da ki Touris police ki ba lah ban ia synran lang ia ki nongwan jngogkai ha ka ba ki borshnong bad ki Village Defence Party.
Kane ka jingwan ban ia kynduh ka kynhun ka long halor ka Nongrim ba ka jingpakhang jong ka Hynniewtrep National Youth Front ia ki kali Tourist na Assam ha ka step jongka 27 tarik u naitung 2024 ia ka ba la wanrah ia ka jingsyier mynsiem ia ki nongwan jngohkai Pyrthei.
Ha ka jingiakren bad u Chairman ka Meghalaya Rural Tourisms Foroum u bah Allan West Kharkongor u la ong ba na ka liang ka Kynhun ka la ai jingmut ia ka sorkar ban buh noh da ki Tourist Police ha ki jaka jongoh kai pyrthei khnang ba kan ym don kano kano ka jingma na ka bynta ki nongwan jngohkai bad ka ban long ruh kum ka lad ban ai kam aijam ia ki briew ki ba na ka jylla.
Nalor kane ka kynhun ka la ioh ruh ban ai jingmut ban pynheh ia ka Shillong Airport ka ba don ha Umroi Ribhoi District khnang ba kan pynsuk ia ki ba kamai Taxi ki ba na ka Jylla ia ka ba haduh mynta ki ba dang ap bad khmieh lynti tang na ka Airport ka ba don ha Guwahati.