Kyntu ka TEWS Shillong ia ki kyrtong MLA lada jop mano mano ruh kin peit shuwa ia ki surok

Shillong, Risaw 11:  Ka Tyrna Elaka Welfare Society (TWES)  Shillong ha ka jingialang kaba la long ha ka miet sngi palei kila shim ia ka rai ban kyntu ia baroh hynriew ngut ki kyrtong MLA kiba ia khun ha kane ka Ilekshon shiteng samoi na ka 26-Shella Assembly Constituency ba lada jop mano mano na pdeng jong ki ha kane ka kynti kaba mynta ba kin peit nyngkong ia ki surok.

Ha ka kyrwoh kaba la phah da u bah R Sawian President bad u bah P Syiemlieh Secretary jong ka Society, kila pynpaw ba kum ka seng ka sngewsih ban iohi ia ki jingsniew palat ki surok ha ka thain Tyran  kaba hap hapoh jong ka 26-Shella Constituency.

Ka jingdon jong ka Double Decker Roots Bridges, ka Rainbow fall ha Nongriat,  ka jingkieng jri ha Nongthymmai Tyrna kaba ki khot ia kane ka jingkieng ka “Jingkieng Ri Tynmen” bad ka ranap ha Nongwar ha kaba lah ban iohi ia ki them rithor jong ka Bangladesh.

Ka jingdon jong kitei ki jaka jngohkai pyrthei kala khring ia ki paidbah palat hajar man ka sngi na kylleng jong ka pyrthei, ka jingsniew palat jong ka surok kala buh ia ki paidbah nongwai kai ha ka jingeh kaba khraw ban poi sha kitei ki jaka.

Na ka liang jong ka Tyrna Elaka Welfare Society (TWES)  Shillong ka pynpaw ba namar ki surok ka dei u bud lum jong ka ioh ka kot, kumta kum ka kynhun ka kyntu ia baroh hynriew ngut ki kyrtong MLA kiba ia khun ia kane ka ilekshon shiteng samoi na 26-Shella Konstitwensi ba lada jop mano mano na pdeng jong ki ruh ki dei ban peit shuwa ia ki surok kiba la siew sha ba palat hapoh ka Elaka Tyrna.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet