Shillong, Kyllalyngkot 28: Na ka daw jong ka jingpang novel Corona Virus (nCoV) kaba la mih hapoh ka Ri China, na ka liang jong ka tnad ka koit ka khiah jong ka sorkar jylla mynta ka sngi kala kala bethah ia baroh kito kiba la wan na China hapoh ka shibnai mynta, lane na kito ki Ri kiba la shah ktah ha katei ka jingpang ba kin leit ban pynithuh iala de sha ki jaka sumar.
Ka tnad ka koit ka khiah kala ong ba kito kiba la wan na ki ri ba shah ktah ha katei ka jingpang lada ki don ne kim don ia ka jingpang ruh ki dei ban leit ban pynithuh ia lade. La kyntu ba kin phone sha u number 108 ha kaba yn sa bthah kumno ba kin leh la leh ia kane ban pynthikna ba kito kiba la leit sha kito ri ba shah ktah ha katei ka jingpang.
Kito kiba la wan na ki jaka kiba la shah ktah ha katei ka jingpang la kyntu ba kin but ia ki kyndon kiba la buh ban ia da na katei ka jingpang. Kito kiba la wan na kitei ki jaka lada ki don kano kano ka jingjyrhoh ki dei ban deng jingda bad ba kin kiar na ka jingiakhleh bad kiwei.
Ki dei ban sait ia ki kti bha da ki sabon haba ki jyrhoh ne synriah, ki dei ban kah ia ka synthur jong ki da ka jain bad ki dei ban kiar na ka jingiajan bad ki wei lada ki shit met ne jyrhoh.
