Shillong, Nailar 26: U President ka seng HANM u bah Lamphrang Kharbani u kyrpad ia ki paidbah nongshong shnong ong “ba wat shimram lypa shuwa ka elekshon ba ioh ka jingdum kan wan synshar ha ka ri kaba ieit ka jong ngi”.
“ Haba ngi thep ia ka vote jong ngi, ngi dei ban thep ia u briew ne ka briew kiba don ia ka thong bad ka jingiohi jngai, ka thong ka jong ki na ka bynta ka jylla ka dei ban long na ka bynta ka roi ka par, ban shna ia ki ain kiba khlain ban iada ia ka pateng ka ban sa wan”, ong u nongialam rangbah ka seng HANM.
U bah Lamphrang la ong ba kita ki nongialam ki dei ban pyntrei kam hok ia ki skhim jong ki paidbah bad ba kin ai jingkhien man la u snem mang tyngka, ka daw ka long ba ka por ka ia kala poi ba ym dei shuh ban kynnoh tang ia ki nongmih khmat, hap ban kynnoh hap ban kynnoh ia ki paidbah ruh.
U nongialam ka seng HANM la ong ba ki paidbah mynta kim sngewthuh ia ka dor, u ba kumno bad kaba kumno ban phah sha iing dorbar, ki paidbah mynta ki iohi ba ka eleshon ka dei ka kam tamasa ka kam ioh kyiad ei, ka kam ioh ja ei, ka kam ialeh sngewbha shisien san snem.
Ka shnat trei kam ka seng kaba dei peit ia ka sain pyrthei kala sgnew ba kala dei ka por ban pynsngewthuh ia ki paidbah bad kane ka jingkren ka seng HANM ka long kum shibynta ka jingpynshai paidbah ban pynsngewthuh sha ki nongshong shnong ka jaidbynriew, la ong u bah Kharbani.
Kane ka kam jied ia ki nongmih khmat sha ki iing orbar thawain la dei ka naka bynta ka eleshn MP sha Parliament, sha iing dorbar Assembly ne District Council kam dei ka tamasa, ka dei ka kam im kam iap kaba kyntang, lada ki paidbah ki khien ka kam sngewbha shisien san snem, kumta u nongmih khmat ruh yn da lajop ynsa pynlong kum ka kam sngewbha.
La da ym sngewthuh ia ka dor ban jied ia ki nongmih khmat, u nongmih khmat ynda la jop un hap ban pynmih shuwa ia kaei kaba la pynlut ia kato ka jingai sha ki shnong , ka kyiad ne ka bam, ka bai leit bam khana, kaba yn pynmih ia kabai pynlut la kut ka san snem, yn don por shano ban shna ia ki ain, yn don por shano ban kren ia ki jingdon kam ka jylla.
Na ka liang jong ka seng HANM ka ong sha ki paidbah ba ymd ei ban shimram lypa, hynrei dei dei ban sngewthuh ia u ne ka briew kaba kumno ban phah sha iing dorbar thawain ka jylla, namar ba kam don jingmut ban shuthmu bad ban babe kylla ynda a dep ka kam.
U President ka HANM u la ong ba bun ki paidbah ki ong ba ynda la jop elekshon yn ia kynduhshuh, lada ka long ha kane ka rukom kynduh shuh shano haba la dep shim ram lypa, la sngewtynad ia kato ka pisa kaba ioh shisien san snem, ka HANM ka kyntu ia ki paidbah ban pyndon kam hok ia ka vote khnang ban ioh ban dawa ia ka jigneh ka jaidbynriew bad ka jingdonkam ka jylla, la ong u bah Lamphrang Kharbani President ka HANM.
