Shillong, Nailar 29: Ka seng HANM lyngba ka tnad ba deipeit ia ka jingwan kyrthep ki mynder ri ha dien ba kala ioh ka jignujor ba ia ka Marba Hub ka dei ka bala pyntrei benami bad kaba la shu wanrah ia ki bar jylla ban pyntrei ha katei ka jaka ,kala don ruh ka jingleit khang na ka liang jong ka seng ia katei ka jaka, kala don ruh ka jingia ujor ejahar kaba mar kylliang bad mynta kila poi sha ka jingiasuk.
U President rangbah ka seng kmie HANM bah Lamphrang Kharbani laong ba ha dien ba ka seng kala wat jingtip bniah baha ha kaba ia dei bad ka tei ka Marba Hub kala shem ba kam dei kumba la kynnoh, kumta ka seng kmie ka bthah ia baroh ki shnat jong ka seng ban da wat bniah shuwa ban shim ia kano kano ka siem jam haba don kano kano ka jingkynnoh pyrshah iano iano.
Mynta ka seng ka shem ba ia ka Marba Hub la long trai da u paradoh para snam bad ka ka jingkynnoh pyrshah ia u bah Mayveen Marbaniang ba u leh benami ka long kumba kynnoh ia ka jaidbynriew.
Kum ka seng ka ai mynsiem ia u bah Mayveen Marbaniang ba long u wei na pdeng ka jaidbyrneiw bala kiew ha ki kam khaii pateng kiba la lah ban ia kop bad kiwei ki jaid bynreiw ha ka jingtrei kam trei jam, ka long ka burom ba la don ia ki briew la jong ban poi sha kane ka kyrdan.
Ka seng HANM ha ki sngew ba ka jingdon kum u bah Mayveen Marbaniang ka long ka jingkyrkhu ia ka jaidbynriew ha kaba ym don kam shuh ban da beh ia kiwei ki jaidbynriew hynrei kila phet hi namar ba ia ka kam ka jam la lah ban bat hi ha lade, lada ki briew jong ngi kila lah ban bat hi ia ka kam kiwei ki jaidbynriew kin nym ioh lat ban wan phrung khlieh hakane ka jylla.
Kum ka seng ha dien ba kala wat ia ki jingshisha baroh la shem ba u trai jong ka Marba Hub u la noh syniang shibun ki kam kiba bha na ka bynta ka bha ka miat ha ka jylla bad kyrpang ia ka jaidbynreiw hynrei u la trei ia la kam ha kaba jar jar khlem da kwah burom.
kum ka seng ka ai ka jingkitbok kit rwiang ia u beh Mayveen Marbaniang bad ka iing ka sem jong u ba un dang lah ban kiew ha ki kam ki jam bad kane kan long ka burom ia ka jaidbynriew.
