New Delhi, Nohprah 29: U Vice President jong ka Ri India u M Venkaiah Naidu u khot u wer ia baroh ban sngewthuh shai halor ka Citizenship Amendment Act, National Registration Citizenship bad ka National Population Register. U la kyntu ia ki paidbah ba kin da pule bha bad sngewthuh shuwa ban kren ei ei ha kano kano ka bynta.
Ia kane u Vice President jong ka Ri India u la kren ha ka jingrakhe ia ka lyngkhuh sngi kha ba 100 snem jong u myntri rangbah ka jylla Andra Pradesh kaba mynshuwa u ba la bam kwai ha dwar u blei u Dr M Channa Ready ha ka jingialang ba la long ha Hyderabad. Ha kane ka jingialang u la ong ba ka jingiakhih bad ka synshar paidbah kam lah ban iaid iaid lang, u la kyntu ia ki paidbah ba kin long kiba husiar ha kane ka juk ba bun sa ki khubor lamler.
Haba ia dei bad ka CAA,NRC bad ka NPR ki paidbah jong kane ka Ri ki dei ban sngewthuh bad ka dei ruh ban don ka jingiakren ym dei ban shu shu don kano kano ka jingpyrkhat kaba n sngewtynnad. La ong ba ka synsahr paidbah ha kane ka ri ka dei kaba la iehbha kumta kan nym don jaka ia ki jingiakhih, la bun u Vice President.
La ong ba ia ki jingpyrshah dei ban pynpaw tang ba ka dei na long ha ka rukom kaba lah ban ia tei da ki jingiakhih kiba long jai jai katkum ka synsahr paidbah. U la pynpaw ba u kpa jong ka jaidbynriew u Mahatma Gandhi u la kiar ia ki jingiakhih kiba lah ban wanrah ia ki jingmynsaw wat la u dong ha pdeng ka jingeh, ha ka por ba ia leh pyrshah ia ka jingsynshar jong ki phareng.
U Vice president jong ka Ri u la ong ba dei ban bat ia ka burom jong ka iing dorbar hapoh parliament bad kum kum ha ki iing dorbar jong ki jylla ba ka jingiatai hapoh iing dorbar ka dei ban long kaba bit babiang, u la ong ba dei ban kiar na ka jingkynthoh ia ki kam shimet hynrei ia ki polisi lah ban kynthoh.
Haba kren halor ka jingsynshar khaddar, u Vice President u la ong ba la don kam ban wanrah ia ka jingkylla katkum ka jinganud jong ki paidbah. U la ban jur ba ka jingtrei kam ka dei ban long kaba shai, dei ban don ia ka jingkitkhlieh bad ka dei ban long na ka bynta ka jingmyntoi jong ki paidbah ki polis treikam ki long kiba don kam ban pynioh ia ka jingsynshar kaba iaid beit.
U la ong dei ban pynduh pyndam ia ki kam bamsap, ban nang pyniar shuh shuh ia ka rukom treikam jong ka sorkar bad ban shu pynbud ia ka rukom treikam dei ban weng bad dei ban pynshlur ia ka jingtrei kam lungba ki online ha ki kam sorkar bad ban iabeh ia ki jingdon kam jong ki paidbah kane ka long kata ka rukom treikam ha ka sorkar.
Ha kane ka sngi u Vice President jong ka Ri India u la ai burom ia u Dr. Channa Reddy bad u la ong ba une u riew rangbah u ba dei u myntri rangbah ka jylla Andra Pradesh ha kato ka por u dei shisha u ioh iaka jingkyrshan jong ki riew paidbah. La ong ba dei ha ka jinglong myntri rangbah jong u ba ka jylla Andra Pradesh kala iohi ia shibun ki kam pynroi. Ha kane ka sngi la don lang ruh u Lat jong ka jylla Himachal Pradesh u Bandaru Dattatreya, u Lat jong ka jylla Tamil Nadu U Dr. K. Rosaiah bad kiwei kiwei ki heh sorkar.
