Shillong, Nailar 20: ka Muay Thai Association of Meghalaya mynta ka sngi ka 20 tarik u Nailar 2024 ka pan ka jingkyrshan na ki riew paidbah bad kum juhruh ka la ioh ban ia kynduh ia u Director of Sports and Youth Affairs u DD Shira ban kyrshan iarap pisa ia ka Association.
Kane ka jingpan jingiarap ka long na ka bynta ban ioh ban pynlut ia ka baileit baiwan na ka bynta ki 10 ngut ki khynnah ki ban leit ia shim bynta ha ka IFMA Youth World Champion Muaythai 2024 ka ban sa long ha Bangkok, Thailand na duh ka 11 tarih haduh ka 20 tarik u Nailur 2024.
Ha ka jingiakren bad ki nongthoh khubor na ka liang u President ka seng u bah A Sun u la ong b aba ka jinglut na ka bynta ki khynnah ki ban leit ia shim bynta sha kane ka lympung ka ba kynthup na duh la bai bam haduh ka baileit baiwan bad ka baisah hotel na ka bynta ki 10 ngut ki khynnah bad 2 ngut ki official kan kot shaduh ka T18 lak tam.
U la ong ruh ba ha ka jingiakynduh bad u Director ka Sports u la pynpaw ba na ka liang ka Department kan sa ai ia ka jingiarap sha kane ka kynhun bad na ka liang ka Kynhun ka kyrmen ba kin ioh ia kane ka pisa khnang ba ki khynnah jong ki kin ioh ban mih khmat ia ka Jylla ha kane ka Youth World Championship Muaythai 2024.
U bah Sun u la pynpaw ruh ba na ka liang ka kynhun kam shym la leit ban pan jingiarap na kino kino ki kynhun shimet hynrei ka shaniah skhem ha ka sorkar Jylla lyngba ka tnad Ialehkai ban kan ai ka jingiarap.
U la ongruh ba lada ka tnad ialeh kai jong ka sorkar Jylla kam lah ban ai ia ki lad jingiarap ki ba biang na ka liang ka kynhun kam banse ban shu peit ia ki khynnah kiba don ia kalad ka lynti kin ioh ban leit ban mihkhmat ha kane ka lympung ka ban long ha Bangkok.
Kumta na ka liang ka Association ka la buh ka jingkyrpad ia ka sorkar bad kumjuh ruh ia ki riew shimet ba kin sngewbha ai ka jingiarap na ka bynta ka kynhun khnang ba kin ioh ban leit mih khmat sha katei ka lympung.
Ki khynnah kiban leit mihkhmat ha ka IFMA Youth World Champion Muaythai 2024 ka ban sdang naduh ka 11 tarik haduh ka 20 tarik u Nailur 2024 ha Bangkok Thailand ki long ka Dasngewtngen E Nongrum.
Ka Alphonsa Wriang, ka Mary Christine Wriang, ka Aitilin Kharbyngar, ka Jenefer Mukhim, bad ka Madona Taro na ka liang ki kynthei. Kat ba uTeiboklang Marbaniang, U Dameshwa Marten, u Bansahnamkyrpang Warkhyllew bad u Andy Taro na ka liang ki shynrang.
