Shillong, Naiwieng 17: Mynta ka sngi ki rangbah shnong ka thain Umroi kaba kyntup ia ki san tylli ki shnong hapoh ka jingialam jong u bah Rangkynsai Kharbuki kila leit ban ia kynduh ia u myntri ba dei peit ia ki kam pynroi sor u bah Sniawbhalang Dhar ban kyrpad ia ka sorkar ban pynlait ia ki san tylli ki shnong na ka jingshah niew kum ka sorkar ia ka thain Umroi.
Haba kren ha ki lat pathai khubor ha dien ka jingiakynduh ia u myntri ba dei peit ia ki kam pynroi sor u bah Rangkynsai Kharbuki rangbah shnong ka shnong la ong ba ka jingiakynduh ia u myntri ka long ban kyntu ia ka sorkar ba kam dei ban pynhap hapoh ka jaka sorkar namar 75% na ki nongshnong ki dei ki nongrep bad kim pat don ruh ki nongshong shnong 400 ngut ha ka shikilo metter sawdong.
Ki san tylli ki shnong ki long ka Jaiaw Pdeng, Laban Saro, Umroi Maban, Umroi Nongrah bad ka Umroi Umdoh, ha kane ka jingiakren bad u myntri ba dei peit ia ki kam pynroi sor la ong ba un sa peit ia kane ka jingud jong ki nongshnong shnong ka thain Umroi.
Na ka liang jong ka kynhun ki rangbah shnong kila leit ban ia kynduh ia u myntri ban pynlait ia kane ka jingshah niew kum ka jaka sorkar lah ban leh shuwa ka 30th Nohprah 2020 dei halor kum ki rangba shong ki kwah ban pynlait na ka jingithuh kum ka jaka sor ha kane ka jingthoh khana samari kaba mynta. Halor kane kila pynsngew ruh ia ka ophis jong ka DC ka Ri Bhoi District.
