Shillong, Nailar 27: U bah Sanbor Shullai myntri ba dei peit ia ka tnad pynneh pynsah ia ka riti dustur jong ka jylla mynta ka sngi u la ia kynduh ia u myntri khynnah ka sorkar pdeng u G K Ready ba dei peit ia ka tnad jngohkai pyrthei bad kum juh ba peit ia ki riti dustur.
Ha kane ka jingiakynduh u bah Sanbor u la ai ia ka shithi ha u myntri ka sorkar pdeng bad ha kane ka shithi u la kyntu ia ka sorkar pdeng ban iarap ia ka jylla Meghalaya ban pynneh pynsah ia ka riti dustur.
Ha kane ka jingiakynduh la kyrpad ruh ban bei pisa na ka bynta ka Rabindranath Tagore Culture Complex ha Rilbong Shillong hapoh jong ka Tagore cultural complex na ka bynta ka jylla Meghalaya bad kane kan long ka jingkynmaw burom ba ka jylla kan sa rakhe ia ka jingdap 50 snem ha u snem 20222.
Ha kane ka jingiakynduh u bah sanbor u la kyntu ruh ia u myntri ka sorkar pdeng ba dei peit ruh ia ki kam jngohkai pyrthei ba un pynlait ia ki skhim kiba la dep ban ai ha ka por ba u dang long shongknor ka MTDC, na ka liang u myntri u la kular ba un sa peit ia kane.
