Shillong, Jymmang 02: U Myntri Rangbah ka jylla u Conrad K Sangma mynta ka sngi u la ia kynduh ia u myntri ka tnad pule puthi jong ka sorkar pdeng u Dharmendra Pradhan bad ha kane ka jingiakynduh la kyrpad ba ia mynta ban pynlait ia ka jylla Meghalaya na ka Common University Entrance Test (CUET).
Ha kane ka jingiakren bad u myntri ka sorkar pdeng na ka liang jong u myntri rangbah ka jylla u Cornad K Sangma u la ong ba u la pynsngew ia ki jingeh namar janbaroh ki college ha kane ka jylla Meghalaya ki pyniasoh ia lade bad ka skul bah NEHU.
Haba la pynpaw ia kine ki jingeh na ka liang jong u mytnri ka sorkar pdeng ba dei peit ia ka tnad pule puthi u la sngewthuh ia ka jingeh bad u la shah skhor ia kaei kaba la pynsngew bad na ka liang jong u mytnri ka sorkar pdeng u la ong ba kin sa don ki bynta ba kin sa pynlait ba kin don ki kolej kiba bei pisa da ka sorkar pdeng, ne ka sorkar jylla ne kiba bei da ki riew shimet bad kine jaid kolej kin nym don kam ban leh ia ka CUET eksam mynta ki dang ap ia ka jingpyntip na ka sorkar pdeng.
U Myntri Rangbah la ong ba ki don ka jingkyrmen ba bun na ki samla pule kiba pule ha ki kolej kiba la bei pisa da ka sorkar jylla, ne kiba ioh jingiarap na ka sorkar jylla bad kiba la pyniaid da ki riew shimet kin ioh ban pule biang ha ki juh ki kolej khelm da thoh ia ka CUET eksam.
U Myntri Rangbah la ong ba ka don ka jingkyrmen bad mynta kin dang ap ia ka jingpyntip na ka sorkar pdeng bad la kyrmen ba ki lah ban iohi ha kine ki ar ne lai sngi la ong u mytnri rangbah ka jylla.
