Shillong, Naitung 20: Ka HYC Mawlai circle hadien ba ka la iohi ia ka jingshim khia jong u MLA ka thain, Bah Process T Sawkmie ban dawa Civil Sub-Dvision ia ka Mawlai, ka seng ka la ioh ban iathir bad iatai bha ia kane ka mat.
Hadien ba la pynshong nongrim ia kane ka jingdawa, khamtam ia ka jingbun briew ha ka electoral roll, ka Mawlai kala long ka constituency ba nyngkongeh ban palat ia ka sanphew hajar ngut ki nongthep vote, hapoh Meghalaya, te lada khein kyllum ia ki paitbah nongshong shnong ngi la tam ia ka shi lak ngut.
Kumba long ha Mawlai ngi la don la ka ophis C&RD Block, ki PHC bad CHC, ki Bank, ka Marten, ka Marketing centre, ka FCI, ka ISBT, Ka Slaughter house ne Abbatoir, ka Sanker, ki jaka pule kum ka Polytechnic bad NEHU bad kumta ter ter. Kumta lada pyrkhat ha baroh ki Liang ka Mawlai ka ladei hok ban ioh ia ka Civil Sub-Dvision.
Kumta ka HYC Mawlai circle ka pynpaw ba ka kyrshan ia katei ka jingdawa civil sub division u MLA, bad ka kyntu ia u Chief Minister ba donburom, Conrad Sangma ba un shimkhia bad ba un nym pynslem ia katei ka mat jingdawa ba shongnia jong u paitbah Nong Mawlai. Kane ka long katkum ka kyrwoh ba la phah da u Bashan Lyngdoh Mawnai General secretary HYC Mawlai circle.
