Shillong, Jymmang 08: Mynta ka sngi ka ‘Joint Action Committee’ ki seng bhalang ka jaintia Hills kaba kynthup ia ka, Jaintia Student’s Union, ka Jaintia Youth Federation bad ka East Jaintia National Council kila phah da ka jingthoh sha u shongknor ban sngap ia ka jingpynsngew paidbah haba ia dei bad ka Myntdu-Leshka Hydro Electric Project-II ba ki ai ka jingkyrshan.
Ia kane ka jingsngap pidbah haba ia dei bad katei ka jaka pynmih lait kan long ha ki ar sngi, ha ka 10/5/2023 kan long ha shnong Bataw jong ka East Jaintia Hills District bad ha ka 12/5/2023 kan long ha ka shnong Trangblang. Ha kane ka jingthoh kaba ki ai ka jingkyrshan kila buh run ia ki kyndon.
Ka JAC ka dawa ba ka sorkar ka dei ban shim bujli ia ki jaka ban ngam ha kane ka jingshna ia kane ka jaka pynmih bording eletrik na West Khasi Hills sha Jaintia Hills, ki don ki don bun tylli kiba la tyrwa ban thung dieng ha Jaintia Hills District.
Ka JAC ka kyntu ba ia ki kam kiba lah ban trei da ki briew na jiantia Hills dei ban pyrkhat shuwa na ka bynta jong ki ha katei ka jaka pynmih bor ding. Haba ia dei bad ki kam ba long kham ha jrong dei ban pyrkhat nyngkong ia ki trai shnong la da ki don.
Ia ki nongtrei ban wan trei ha katei ka jaka dei ban wan rung ryngkat ki kot ki sla kiba don kam katkum ki kyndon ain, dei ban pynthikna ba ka jingmyntoi ka dei na long ia ki trai jylla khamtam ia ki briew na Jaintia Hills.
Ka JAC ka kyntu ia ka sorkar ban kyntup lang ia ka shnong Borghat ha kane ka jingpynbha ia ka khyndew ka shyiap, ia kane ka jingthoh kaba la phah mynta ka sngi la soi da u bah Jerson Shylla President JSU, bah OL Tariang President JYF bad u bah Sambormi Lyngdoh President EJNC.
