Shillong, Naiwieng 12: U Myntri Rangbah ka jylla u Conrad K Sangma ba dei peit ia ka tnad marpoh khydnew haba jubab ia ka jingkylli jong u bah Himalaya Muktan Shangpliang ha kaba ia dei bad ka jingmang pisa na ka District Minerals Found (DMF) u la pyntip ba ka sorkar kala pynlait pisa T.10.53 klur sha ki hynriew tylli ki District.
U myntri rangbah u la iathuh ba na kane ka pisa la pynbha ia ki Aganwadi, ki iing skul, haba ia dei bad ka koit ka khiah, ban maramot ia ki surok, ban pynpoi umdih, ban iada ia ka mariang, ban iada ia ki wah bad ha ka jingiakhun pyrshah ia ka khlam COVID-19.
U Myntri rangbah u la pyntip shuh shuh ba haduh mynta dei tang hapoh Ri Bhoi District ba la kyntup lang ia ki MLA ban ia don bynta ha ka e District Minerals Found Governing Cpuncil, haba ia dei bad kane ka don ka jingbthah na ka sorkar pdeng ban kyntup lang ia ki MP bad MLA jong ka District.
Haba jubab ia ki jingkylli bynrap bala buh da u bah Himalaya u myntri rangbah u la iahuh ba ka don ka jingbthah ia ba la phah da ka sorkar pdeng ha kaba ka sorkar jylla kala dep ban phah sha ki Deputy Commissioner ba kyntup lang ia ki MP bad MLA jong ka District ha ka DMFGC.
Haba jubab ia ka jingkylli bynrap jong u Lazarus Sangma balei ka South Garo hills kam shym ioh na kane ka skhim, kumjuh la kylli da u bah Kimfa S Marbaniang ba West Khasi Hills kam paw kyrteng, U myntri Rangbah u la jubab ba ia kane ka pisa kaba dei na ka DMF ka long tang ia kito ki District kiba don ia ka laisen ban ioh ban tih marpoh khyndew.
