Shillong, Naiwieng 06: U Synbut Myntri Rangbah ka jylla u bah Prestone Tynsong mynta ka sngi u la iathuh ba u myntri rangbah ka jylla u Conrad K Sangma u la ia kren bad u myntri kam poh iing ka jylla West Bengal halor kine ki jingmih ha ki social media ia kaba ei kaba la jia ha West Bengal ba kila don ki briew kiba la leit tur sha Meghalaya House Kolkatta.
Ha ka juh ka por na ka liang jong u Symbut Myntri Rangbah u kyntu ia ki briew ba kim dei ban pynshit ne ban theh petrol ha ka ding, lada dei ha Ichamati ka sorkar kala leh ia kaba don kam bad ka dei ka kam jong ka sorkar ban iada ia baroh ki paidbah nongshong shnong lada dei mano manor uh.
U bah Prestone u la ong ba ka ain kan sa leh ia kaba don kam lada dei naei ruh kam pher ia kiba pyrshang ban wanrah ia ki jingiapher jaidbyndiew ka ain kan sa leh ia kaba don kam, namar lada don kano kano ka jingeh ka sorkar Meghalaya ka hap ban shim ia ka jingkti khleih kum juh ka sorkar West Bengal.
U Symbut Myntri Rangbah u la ong ba lada don kano kano ka jingeh wan ia kynduh ia ka sorkar ban ia kren namar ka sorkar ka peit ka khmih ia ka bha ka miat jong baroh ki jaidbynriew kiba don ha ka jylla.
Haba ia dei bad ka jingai ia ki Trading License ka don ka ain kaba ki District Council ki peit ia kane bad ka sorkar kala bthah ba ia kiba dei hok ban ioh ai kin ioh bad haba pynthymmai ruh kum juh ba ki dei ban leh katkum ka ain kaba la don.
